رثائية
هذي قصيدة قلتها بعد وفاة والدتي باسبوع رحمها الله واسكنها فسيح جناته
الهدف الاسمى من وضع القصيدة هنا دعائكم
كانت وفاتها 21من رمضان لعام 1428هـ
مرحومة يامي عدد وبل الامـزان*** واعــداد ماتــطلــع علــيــه النجـــــومي
واعداد خلق الله على مر الزمـان*** واعداد ماعـــرض علــى النــاس يومي
الموت واقع مانردة عن انـســـان*** نومــن بـــمقــدور الالــه الــعمـــومــي
ندعيه سلوة عقب رحمة وغفـران*** وندعية يجلي كل ضـيــق وهــمــومــي
عز الله الكيــه تـوجـع وتــنــبــان*** والقلب مفـــطور(ن) وقصـــر عزومي
من عقبها امي كاتم النفس جزمان*** ماني بطايــــق حالتــي والهـــدومـــي
وانعى بحالي بين ربعي والاخوان*** واقول راسي ياعـرب فيه ســــومــــي
حتى منـامـي بيـن نـايم وسـهـران*** ماذقت راحة راحة ياعرب وسط نومي
واقعد مع فكري واقول انت خوان*** واقعد مع نفــســـي خــــلاوي والومـــي
ياليت واطيها على وجهي ازمـان*** ولـيتـــني كنـــت الحــبيــب الخــدومــي
مادام راحـت علـمنا الحـيـن ودان*** غيــر الــدعــاء ماعنــدي الـهــا لزومي
غير الوصايا اللي عطتني بالاذان*** واب وعــجوز (ن)عــمرهــا ماتقومـي
وعــيال اجيـهم على سلم الاخوان*** من عقــب فرقــاهــا دعــوهــم يتــومي
يسكنك ربـي وسـط خـلـد ووديـان*** ياللــي تــوفـــت بـــين ذكــر وصـومي
هذي مراثـي واحـد وقـع مرضـان*** حازن الامــة بيـــن ربــعة جــزومـــي
رحمهاالله وسلامتكم
الموضوع الأصلي : رثائية ـآلمصدر : منتديات قبائل عبيدة قحطان
عبدالمجيد بن عوض ال سلمان
__________________
ابن قحطان شاعر ينتمي في عبيدة
وابن سلمان بادي يعتزي في حرق
للمعالي يعالي والهقاوي بــعـيـدة
والردا والفســايل صوبهــا ما طرق
((عبدالمجيد بن عوض ال سلمان الفقاعيس))
20-09-2010, 04:18 PM
تعليمات المشاركة
المواضيع المتشابهه
العرض الشجري