للتواصل بعد هذا الإنقطاع عن القسم المحبب الى قلبي ..

اقدم لكم هذه المتواضعه راجيا القبول منكم ..



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
انا وش اللي بغيبتك مستفيده ؟ = صدري وصل م.. الهم حد الشباعه
الصبح يضحك لي بضحكه جديده = وانا الى هالحين مانمت ساعه
اسهر واسامر كل نجمه فريده = وان نمت ؟ قالت ليه هذي القطاعه
ياغايبه والليل لا قويت ايده ؟ = يدي ضعيفه ماتقاوي صراعه
الحب دمٍ والمواصل وريده = والقلب هو اللي يزيد اندفاعه
غبتي وسميتك : قريبه بعيده = والعين تحسد خافقي عالقناعه
جاعت عيوني شوفتك ياعنيده = ماترحمين اللي بلته المجاعه ؟
بيني واحزاني علاقه وطيده = مثل العلاقه بين عقرب وساعه
فراقك الله يمحقه لا يعيده = لازاد زاد الجرح معه اتساعه
نسياني اكذب من كلام الجريده = وكتماني اعتم من عتام الإشاعه
وأشواقي اصدق من فعايل رفـيده =وأبلغ من طعون اليدين الشجاعه
شوقٍ هبا في القلب وسم الحديده = والقلب لولا الصدر ؟ تم انتزاعه
ولاجداي الا حروف القصيده = عسى تزودني شوية مناعه
لك الله اصبر عالرياح الشديده = يالمركب اللي ضاع منه شراعه
عسى الفرج يقبل ويهناك عيده = وتبات عين اللي شقا البُعد لاعه
وأقول للنجمات فرصه سعيده = والمعذره دامي نويت القطاعه
ياغايبه والنخل يبّس جريده = ولا يغرك راسها وارتفاعه
به في غيابك فايده بس وحيده = يمكن إنها هي العزا والشفاعه
تدرين وش في غيبتك مستفيده ؟ = اني اصلي الفجر ويا الجماعه[/poem]

__________________

لسماع قصائد الشاعر : سعيد بن مانع
اضغط هنا