/ [poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا لله يااللي ما يخيب الرجاء به = فرج همومي في الليالي المقابيل
وما دام بيت العز ما صك بابه = ويصب فيه البن وتقلط الحيل
نصيت عيد اللي كريم الجنابه = شوق الهنوف اللي هدبها مضاليل
يا عيد ليل البارحه يندعابه = ليل(ن) علي يا عيد هم وغرابيل
حسيت باحساس يجيب الكأبه = احساس هم الثلث الاول من الليل
والا الثلثين الاخيره تشابه = فيها السكينه والذكر و التهاليل
والسر في صدري ولا ينحكابه = الا على خطوى القروم الحلاحيل
يا عيد بعض الناس ما ينغزابه = لا صار ما يفلج ابواب ومداخيل
وان غاب ما يفقد ولا يندرابه = وحضوره يكمل اعداد الرجاجيل
يا عيد وقتي لا حداني وجابه = وأنا حيا وجهي وقدر المشاكيل
يحدني يا عيد ولا غرابه = أترك مرافق بارد الراس والحيل
ما دام خوة واحد(ن) يندعابه = ما من وراه الا العنا والغرابيل [/poem]

وكان رد ابو محمد ........
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
حي الرفيق وحي علم(ن) لفابه = ترحيبة تبقى لجيل بعد جيل
باللي على العليا تدرهم ركابه = يلقى لها في كل روض مداهيل
القرم أبو معتز ذيب الذيابه = جعله افداه مكثر القال والقيل
الناس من سوى عليهم رقابه = هوجس وقام يتابع العدل والميل
يشيب راسه قبل يكمل شبابه = ويمل من كثر العبر والتهاويل
وصلاة ربي عد من شاء سحابه = على رسول فصل الحق تفصيل [/poem]