رثائيه في المرحوم بإذن الله الشيخ / خالد بن ذيب بن شفلوت
والتمس العذر إن حصل تقصير ..

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
مجبور بك ياقاف ماهي على الكيف=سود الليالي قام يدرج رحاها
الله يعينك يالعيون الذواريف=وروس الرجال الله يحسن عزاها
الدمع هل وشيف .. لكن ماشيف=شي وزى بين الضلوع وكواها
ابكي فقيدٍ قرم ما صحت من حيف=ليت الجروح يصير دمعي دواها
فقيدنا شيخٍ بكل المحاريف=كل الخصال الطيبات احتواها
احد شفاليتٍ تعدي عن القيف=مقدم عبيده روسها وامراها
اهل شداد ما تهيا بتزييف=من عصر شيخان توثق نباها
اعلام ما تحتاج شاهد وتعريف=لكن روايه نومسة من رواها
ابو عشق سِعد المجنيْن والضيف=نفسه على الطاله بعيدٍ مداها
امن الظفر عدى بروس المشاريف=له ساحةٍ انوارها في سماها
وله مجلسٍ به هبة الريح والكيف=والعود الازرق قدمها ثم تلاها
وله فزعةٍ يوم البلاوي عواصيف=الطيب له جوخه .. يذري ذراها
ما يشتكي هم العنا والتكاليف=بامر الله الصعبه يليٌن قساها
وله موقفٍ في حزة الرمح والسيف=وله وقفةٍ ياحظ منهو لقاها
للضد همٍ صعب تفريجه .. وريف=ريف النفوس اللي زمنها حداها
بشداده ابحر والروابع مجاديف= والمجد غبه قل منهو نواها
ما هست عزومه ونوْخ على السيف=من شبة ايامه ليا منتهاها
الأسم خالد صح .. غير الصواديف=ما توها خالد كفى الله بلاها
جعله يخلد في زيان التواصيف=خضر الجنان مع افضل الخلق طهـ
لو الدمع يجدي جهدنا المغاريف=لكن حكمة ربنا اللي قضاها
لعل ذا فقدٍ من الذنب تخفيف=وروس الرجال الله يجبر عزاها[/poem]
وسلامتكم

وادعو له جزاكم الله خير .

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.