ياللأسف
قصيده كتبها الشاعر:عبدالله الحميداني على أحد زملائه الخاصين وتشرفت بنقلها لكم في هذا المنتدى
ويقول الشاعر:
قصيدة تحكي عن ألمٍ قديم تجددّه الذكريات وظروف العصر المغايرة ...
ٌقصيدتي..مشاعري .. معاناتي .. أخترت من أبعثها إليه..؟
أخوي العزيز.. فيصل بن حمد الجبرين .
[poem=font=",4,#000000,bold,normal" bkcolor="" bkimage="backgrounds/17.gif" border="solid,3," type=1 line=0 align=center use=ex num="0,"]
يابوحمد ودّعت عيني حبايبها=وأضحيت دمعي على الخدّين سكّابي
ولولا لطيف الحشا ما نيب جاذبها=العبرة اللّي تحّدر بين الاهدابي
دنياي لوّ أقبلت ما نيب راغبها=ويا للأسف لو تقدّم بعض الأسبابي
لا بوك دنيا تلّقيني بغاربها=وأنا حبيبي يبي المنجاة ينجابي
يستنجد بفزعتي ..والصدق واجبها=وأنا الذي وقفتي يا عين تزهابي
أصخّر ألها العنيدة من مطالبها=وأنا جريٍ على الأخطار ما هابي
ويوم أنكسر ساعدي من قّوّ ضاربها=ما كنّي إلا غريبٍ بين الأجنابي
دنياي والعصبة اللي كنت عاصبها=ماهزّها كسر منقاري و مخلابي
يوم ألتفت يمّها حثّت ركايبها=و اقفوا وأنا طيحتي في داخل ثيابي
الخيمة اللي لها عمود ناصبها=هي طيحتي يوم شلوّا عنها الأطنابي
خسارةٍ يعلم الله من سبايبها=لو طاب جرحي عوضها ماله أطبابي
لابوك دنيا تلقّيني بغاربها=وأنا غرامي تبي المنجاة تنجابي
ما الله كتب لي جميلٍ عند واجبها=ودّعتها تحسبنّي كنت كذّابي
ما قالته..! بس من واقع تجاربها=وش ظنّك تقول ..؟ ولاّ الظن ما خابي
تبغى الحقيقة..؟ عطيباتٍ مضاربها=ودنياك ما قّدّرت عطران الأشنابي
النفس يومٍ تعاتبني وأعاتبها=ويومٍ تصاحبني ومن خيرة أصحابي
دنياً غــريبــة و تهـنا في مــذاهـبـهـا=يا فيصـــل ألحــق عليّــه قــبل يغدا بي
عبدالله بن عبدالعزيز الحميداني[/poem]
ولكم جزيل الشكر . ودمتم بود وبخير
( . أخوكم : الحميداني . )

__________________
[line]


[line]