السلام عليكم ورحمة الله وبركاتة..


بصراحه علي الحرام إن ذا المجلس أثلج صدري من شي واحد ماحصلت فيه هياط مثل ( بعض ) منتديات القبائل الأخرى والنقاش الأدبي الواضح فيه , والكلام الموزون اللي يعكس صوره مشرفه عن القبيله ولايوجد فيه ذيك العنصريه.

ولمن قريت في بعض المواضيع هنا حصلت الأشياء المذكوره اللي صارت لنا وعلينا بعد , وهذا هو القول الصادق.
فيه بعض منتديات القبائل الأخرى يمدحون أنفسهم وحروبهم مع القبايل الثانيه وإنتصاراتهم والمبالغه الواضحه في بعض الروايات ولكن للأسف مايذكرون اللي صار عليهم ولو كانت في نفس القصه. وتسأل نفسك وش ذي القبيله اللي ماعمر أحدن هزمها أو أنذبح منها أحد.

وللأسف فيه أحد المنتديات شوهت صورة قبيلة قحطان بشكل لايقبله أي قبيلي , يذكرون غزواتهم مع قبيلة قحطان وأنهم أطاحوا بهم شر هزيمه ولكن ماذكروا شي من اللي حصل لهم؟

أرجوكم نبغى نستمر على نفس هذا النهج والطرح الحضاري اللي يعكس مدى عراقة وأصالة هذي القبيله..

وأرجوا إني ماطولت عليكم ومأبغى أحد يفهمني غلط في الكلام اللي قلته , وأتمنى ان تقبلوني عضو جديد في هذي الشبكه العريقه لقبيلة قحطان.

وسلامتكم.

__________________
الباب الاسود !!