السلام عليكم ورحمة الله وبركاته
هذه من أروع القصايد الشامله للفخـر والغزل و المدح والحكمه و والله أنها من أجمل القصايد إللي قد سمعتها ومن أعجابي بها حفضتها وكتبتها لكم



أخوكم /سعيد بن حسين آل مريع الجهيمي البشري القحطاني


المشهد اللي صار بين احضان سجن بو غريب
مصيبة ياكبرها ياعظمها ياهولها
تشيب منه روس ناس مالها نيه تشيب
شاب الطفل في ميزبه والبنت في هندولها
ونبت الفياض من الضمى ماظني يرويه أي شيب
والانعام قامت من غبينتها تجر ذيولها
والطير ضاق به الفضا والارض والكون الرحيب
يبكي على السدره وهي تبكي على غرمولها
وجد الثواني والدقايق منها امر عصيب
وايام وشهور السنه كانولها وينولها
جف المطر والشمس غابت من قبل حل المغيب
والليله القمرا على الظلما تمد سدولها
كم من بيوت من فراق اصحابها صارت عشيب
وكم من الافاعي موتت في سمها بدحولها
والغدر يرعد في العراق وله صدى في تل ابيب
وابله عباريد اترادم والدمي سيولها
وانا معك ياللي تقول ان ما على الدنيا غريب
وخلك مع اللي قلت ضربت بغير فحولها
فانكان في الدنيا شي عجيب فشي واحد هو العجيب
ناس تهل دموعها وناس تدق طبولها
ناس على هرج السعه فمها وسيع تقول بيب
وناس على الموضوع كله سد فمها نعولها
وناس سوالفها مابين حلوقها مثل الدبيب
مثل الهنود اللي على السيكل تشل سطولها
هم يحسبون ان القضيه حلها بيده صليب
ما دروا أن صليبها يامر على انتربولها
وانا بدون شعور قمت اصيح بصوت صليب
صيحه ورا صيحه واحسب ان العرب صاحولها
واثارني سواة من يزهم ولا حوله مجيب
وسواة من يزرع بذور ماجنى محصولها
واما انت ياللي قلت خلك بين ظهران وطريب
في خاطري لك كلمتين مستحي لا اقولها
انكانها هلت دموعك من غنا بدر الغريب
فانا دموعي مايغرك وش سبب هملولها
لو ان عندك ذره من الدين يا الوجه الكئيب
ما قلت كلمه وانت مانت بعارف مدلولها
ولا اما انا يشهد علي اللي على خلقه رقيب
نلت العلا يوم انت واشكالك عجزت تنولها
ولابد ناخذ حقنا بالطيب ولا بالغصيب
لو ضحكت الدنيا وضحكتهم وهم ضحكولها
فان كنت عاجز تاخذ حقوقك فوكلك طليب
وخلك من المغرب ليا باريس لي اسطنبولها
هذي قضيه كنت اسولفها على سقم الحريب
الي علوم المرجله تسووله ويسوولها
حسن سعيد معرب الجدين والخال العريب
ان عدو زحول الرجال ينعد ضمن زحولها
من لابة يوم الملاقى جرحها جرح عطيب
مندية حتى العدى بانفوسهم شهدولها
انكان هاب الشر شر وانكان هاب الطيب طيب
ويقطع رجال في الملاقى ما تشاف فعولها
واثنى دراستنا للقضيه يا عساها للذهيب
نبي نفك الشفره ونعرف رموز حلولها
طحنا على عنوانها عنوانها افهم يالبيب
غير العرب ما فهمت الطبخه ولا فطنولها
وعلم طمر في علم وآخر علمنا قصة كليب
سعة رواها بو شنب فجأه طلبت عدولها
قال وشفيك وقلت ربك يمطر في العضاة الشيب
النفس مالت كان تدري وش سبب ميولها
موضوع في غاية الاهميه ويحتاج تعقيب
مهمتك منقوضها وانا علي مفتولها
ما تدري ان الذيب يابن حسين في وسط القريب
وما تدري ان القوم ركبت في ظهور خيولها
عاين على يمناك يامال الشحم والذيب
لا بارك الله في جمال ما تشيل حمولها
بنت العليا من يمينك في ظهر بي إم جيب
مرت مع شارع ولي العهد وانتبهولها
اطرد ورى بي إمها وما جابته الدنيا تجيب
حنا لها حنا لها وانتو لها وانتو لها
وانا ادري ان طرد المقفي شرهة فينا وعيب
لكن خذت عقلي مع ناس خذت بعقولها
وانا باقوس الوجه والشيطان يحضر ويغيب
ووالله لو نزل الدم على الركب لحبولها
والحظ عشرين الف مره يخطي ومره يصيب
ياالله عساه يصيب ويجود طرف مجدولها
ظنيت ظن وياالله عسى ظن ظننته ما يخيب
والاعمال بالنيه على الله رفضها وقبولها
وحرب البسوس اللي غدت بكليب في وادي جريب
ما هاضها غير البسوس بصولها وبجولها
قال احتزم والخيل والميدان واشرب ياشريب
أما قطر سعبولنا ولا قطر سعبولها
قمت اهدر مثل الجمل وهو جلس يقنب قنيب
ينقص ويجمع وانا اضرب عرضها في طولها
المقصد انها وقفت بوزان مستشفى الحبيب
ساعت نحرت باب الطواري كلم فزولها
خذت لها تقريب ساعه من طبيب في طبيب
كلها لعيون الجرعة اللي ركزوا محلولها
ثم قمت وقعدت لها على ركبه وفي مثناة سيب
واثر مدرا الاقسام مثلي قاموا وقعدولها
والمشكله يوم خرجت ثم قالت بصوت شحيب
للسايق امش بسرعه ويدها تشير براس انمولها
عيونها كنها تقول لخدها قوتو سليب
ياالله عسى يفدنها رمد العيون وحولها
نار البدو في خدها متواقده تلهب لهيب
وصوت الحطب والنار تلهب مثل صوت حجولها
والجسم بارز والخصر مثل الغصن ريه وطيب
ولها ردوف تشتكي من لارجها وسمولها
تمشي مثل مشي الغزال المستهيب المستريب
ودقة جواد ابن علي بتقول قرع نعولها
جوالها الدمعه وانا باقي بجوالي الرهيب
يدق عند هروجها ويدق عند قرولها
يالعنباها والله انها تخلف العقل اللبيب
وش عاد لو خذت على السرير الابيض طولها
البرتقاله كانها متصدرة فيديو كليب
والله ما تاكل عيش مع هذي ولاهي حولها
فانا اشهد انها شق وجه وشلع ثوب وطر جيب
باموت ماقد راح من قدام عيني زولها
لا واسعد الله سعد من مثلي تمنى العندليب
انها بكرت العايله مضمومة واعولها
المقصد انها مشت وانا باريتها واقول هل من مستجيب
ثم وقفت وارخت مناكبها على جعزولها
ردت علي تقول حاول ياغريب تكون اديب
اللي تكلمها ما تدري بن فلان واشهوا لها
دام الجمر يرجع رماد والعنب يرجع زبيب
روح ترى بعض الاوادم سترها بهمولها
قلت اللكاعه حافظنها كلها عن ظهر غيب
وعز البلد برجالها ماهو في بترولها
وانا صبي قحطان سدي في اللقا سدا قطيب
من لابة لو ما الصلاة لربنا صلولها
عامين وامي من على خشمي تحلب من الحليب
وبعض الرجال فطمته امه قبل يكمل حولها
حسبي عليك الله سبحانه وهو نعم الحسيب
زادت بك النعمه عسى ربي عليك يزولها
فان قلت مانت بلي صحيب اقول مانت بلي صحيب
الرجل من جنبيته والبنت من مريولها
سبت وسبيت وتبادلنا الشتايم والسبيب
ولولا مخافة خالقي تليتها برجولها
اوجعتها بالحكي لين دموعها انهالت سكيب
ويبدولي انها خربت الرصه وهو يبدولها
وجاني خوي الجنب ينشد قلت له لقيت حديب
أصولها يابو شنب ولا ماهو بأصولها
وانا ادري ان مافيك شك مره ولا فيك ريب
تقولها وتطولها واقولها واطولها
وترى الزمن ماهو بشرط لكل مشوار تهيب
كم من رجال دبلت وخصامهم شابولها
وانا عجزت اجود عنينا الكحيله من قريب
وانت وغيري تناوشها يابن عاطف ولاهو حولها
لاوالله الا مالنا ذليوم في الطيب نصيب
مادام بيبان النصيب مقفله بقفولها
وبدري على بوها تنسيني قضية بو غريب
قضية ياكبرها ياعظمها ياهولها

الشاعر/ سعد بن عبدالله بن شفلوت المناديه العبيدي القحطاني.

اقترح وضع قسم خاص بذلك واحب اشارك بقصيده سبق وكتبتها في هذا المنتدى الرائع


احب ان اشارك بهذه القصيده للشاعر سالم بن عايض الخنفري




[poem=font="Simplified Arabic,4,black,bold,normal" bkcolor="transparent" bkimage="" border="solid,medium,gray" type=4 line=0 align=center use=ex num="0,black"]
هاض بالي يوم ا ديـره وافتكـر = مـن نـاس زايديـن وناقصيـن
مايعرفـون الدليـل مـن الهـذر = مايعرفون المعـي مـن السميـن
من حساب اهل المواشي والجغـر = يحسبون انهم من الـي طيبيـن
علـم الـي مابعـد جـاه الخبـر = ياخذ المعقول مـن قلـب فطيـن
يدري الغايب ويسمع من حضـر = والقبايـل كـل ابوهـم خابريـن
كل عين موقديـن بهـا السهـر = من على التاريخ وادوار السنيـن
لابتي من هجر الى ضلع القهـر = ال محمد جمعهـم جمـع رزيـن
من حاربهم طاح صفـه وانكسـر = يلطمون الشـر ضـد المعتديـن
والجحادر مسندي خـزن الظفـر = تنطح الو اجـب ولا بمحايدنيـن
يالبوبـك يالجمـل لامـن هـدر = لادعا داعي الجحـادر حاضريـن
وقحطـان مثـل مايـات البحـر = نصرة التوحيد فـي دنيـا وديـن
كم ولو مـن حلـة فيهـا الكفـر = طوعوهم ليـن راحـو مسلميـن
في الحروب قلوبنا مثـل الحجـر = لاتولينـا عـقـاب المشركـيـن
صابرين كـل خيـر وكـل شـر = بالشهـاده والولـي متوكلـيـن
مثل حد السيـف قطـاع الظهـر = لاصفـق بالـدم بيـن مقاتليـن
والله انـي ماتمـنـى بالقـشـر = كـود حنـا بالجهـاد مهللـيـن
من بني عـم يشوقـون النظـر = لاوفـا جمـع وجمـع مردفيـن
كان ديرتنا الخوايـس والجحـر = وانتحينا صـوب نجـد حادريـن
وارتكينـا يـوم ميـلات القـدر = مثـل ضلـع مايهـزه نجمتيـن
في فقارة نجد ونـدوس الخطـر = ماتزعزعنا الأعـادي والسنيـن
لين جا الحكم السعودي وانتشـر = وايـده بالملـك رب العالمـيـن
حاكـم البـر وحـدود البـحـر = واليوف الـي تـروع الغافليـن
نصرتـه وابمـان حكـام المـدر = شجـرة واثمارهـا المسلمـيـن
واستوى الأسلام ونـزاح الـودر = حن عصا له من يساره في اليمين
حن قحاطيـن يذيـع بنـا النـذر = في العرب ماحن من المتعربيـن
هم هل التوحيـد عـدوان الكفـر = نسـل قحطـان وهـود الأوليـن
كـم تعادانـا عــدو وانتـحـر = فضل ربي نجعل القاسـي يليـن
نذبـح الحـراب بالـدم الحمـر = كم حريب من صلانا لـه ونيـن
ذا كلامـي يـوم قلتـه واستقـر = والسلامه واسمعـوا ياسامعيـن
[/poem]


هذا ولكم تحيااااااااااااااااتي


اخوكم محمد الجبعه

__________________

قالوا لي البخلان هون من الطيب = قلت اعقبوا والا فسووا سواتي

حنا صقور مابنا اي خوان

حنا حكامى لابغيت الشواري


حنا وجيه محلف اجــزان

حنا معا يام اتحدنا بالضواري


حنا كتــاب واضح العنوان

(( قحطــان والكل بأفعالنا داري ))





ونعـــــــــم ملاييييين

__________________
انا قحطاني..
مرفوع راسي..
من سبب ساسي..
ياحظي بناسي..
عزوتي وباسي..
سيفي وفاسي..
ظهري القاسي..
قمه حماسي..
وعدونا خاسي..
مديوس بداسي..
ذله قياسي..
كنهم بساسي..
لاني قحطــــــــــــــاني..

والنعم والله بقبيلة قحطان

بيض الله وجيهكم ياوجيه رفيدة بيض الله وجيهكم ياوجيه عامر بيض الله وجيهكم يا وجيه أقحطان ياعيال الشايب و السلام عليكم ورحمة الله وبركاته

ايها الاخوة الكرام
السلام عليكم ورحمة الله وبركاته
هذه قصيدة مدح في سعادة الشيخ بندر بن بدر بن
نايف الضيط النجل الاكبر للشيخ بدر الضيط امير
العضيان من الروقة
سلام ياللي حوّّّّّّّّّّط الطيب تحويط
مع طيب راسه فيه جود وشهامه
بندر ولد بدر ولدنايف الضيط
نسل الشيوخ اللي خواله عمامه
عادات اهل عمهوج فك المرابيط
لاصار هم الطيبين السلامه
يردون حتى لوعداهم محاويط
لامن ولد اللاش بردت عظامه
شوخ" مسلطة" على القم تسليط
وافعالهم تذكر بنجد وتهامه
يوم" برغش جا يقود الشماحيط
من ضرب اهل عمهوج راحوعدامه
مسعطين ابناهم الطيب تسعيط
وبندر عليه الطيب بّّّّّّنى خيامه
راعي دلال" فوق ناره مقاليط
وراعي مضيف" يشتكي من زحامه
يفزع ويسفط من خيار المسافيط
شيخ" افعوله سابقات" كلامه
ماهوب ناش" بين شله وتفحيط
شيخ" برك للحمل قبل احتلامه
ورثه من اللي خطط الطيب تخطيط
اللي رقى للمجد قمة سنامه
وورط بفعله سادة الشعر توريط
تقصر قصايدهم ويعلى مقامه
اللي يبسط كايد الامر تبسيط
ويفرض على الشوخ الزحول احترامه
ما فرطوا ف امارة الفخذ تفريط
ومزحم تبعهم لين يوم القيامه
والذم ماسقط هل الطيب تسقيط
والمدح مايرفع مقام الهلامه
وصلوا على اللي ضبط الدين تضبيط
نبينا اللي ماتجيه الملامه
وسلامتكم

__________________
|--*¨®¨*--|سهيل الجنوبي|--*¨®¨*--|

صح لسانك وبيض الله وجهك





تحياتي

__________________