السلام عليكم ورحمة الله وبركاته ابن الاروق والمشبهاني مشكورين على السالفه وانا اللي سمعته انه يوم تهدد الدواسر عطوه ثلاثة ايام علشان يبعد وبعدين ما عاده في وجه الدواسر المهم ويحط العمود على القعود هو واخته او مرته وامه ويوم غاب من الحله ولا ابعد نزل قالت له امه القوم بيلحقون قال خليهم يلحقون وبعد الثلاثة ايام غزوا الدواسر صوبه وعينوه ما ابعد وكانوا حوالي 6 او5 المهم ذبحهم وخلا واحد يرد بالعلم لباقي ربعه الدواسر ويوم جت امه تبي تطبخ ما عينت اثافي للقدر فعلمته فقال حطي روس الرجال وبعدها دروا ربعه وارسلوا يستدعونه ويشيخونه عليهم وهو راح من ربعه وجلا لان ابوه كان الشيخ ومات ابوه وكان هو صغير عمره حول ال15 او 16 وشيخوا ربعه واحد من عيال عم ابوه يوم درى ويعدي عليه ويذبحه وعقبها جلا للدواسر هذا اللي سمعته والسلام ختام.

__________________

طرفنا ورى تثليث غرب وربعنا
على الطارف الشرقي ورى ديرة الياسي
تغازوبها يوم العدا يرهبونها
على قاطعات البيد من كل عرماسي

ونعم والله بربعنا المساردة وفعلهم معروف ولا يغبى

وقد كان لهم العديد من المواجهات مع الدواسر أخرها هية جرير وه معروفه وقد ذكرها الشاعر المعروف

حمد هادي المسردي ورد المساردة في محلة؛؛؛؛؛؛؛؛؛؛؛؛؛؛؛وسلامتكم



أخوكم / عبدالله ابن فلاح

بيض الله وجيهكم جميعا



ونعم بالمسارده وقحطان كلها


والحقيقه قصه معروفه ومشهوره كما ذكرتوها

ولكن لي انتقاد على (النايب له ولد) فردوده دائما تتسم بالسخريه والمهزله ووجود مثل هذا في المنتدى نقص على المنتدى واتمنى من المشرفين طرده من المنتدى الا ان يلتزم بالادب وسوالف الرجال في كلامه



هذا وارجوا ان تعذروني على هذا الكلام ولكن انا اقرا ردود كثيره له بنفس الاسلوب والعالم الله انه لا ينتمي الى قحطان

__________________
[poem font="Simplified Arabic,6,white,normal,normal" bkcolor="transparent" bkimage="backgrounds/32.gif" border="none,4,gray" type=1 line=0 align=center use=ex num="0,black"]
انا لو بالتمني كان ودي= اروح لبرها واترك وطنها
ادوّج في الفياض اللي هواها=يفك النفس عن هم زبنها
واصيد الصيد لامنه بدالي = واعطّف ناقتي واشرب لبنها

اسلام عليكم الى الاخ على ابن شداد امبين من كلامك وأرخ وياليت اتقصى الحقيقه لانك سمعت كلام قحطان ولمفروض انك تنشد عن القصه وتقصى وتذكر امى ان مسعود ابن شرى ذبح 100 من الدواسر فهاذا غير صحيح والله لونهم غنم ماذبح 100 منهم ويكرمون خطلان اليدى عن التشبيه اذا انت موأرخ اذهب الى وادى الدواسر ونشد عن ال شعيل والقوده والقصه ويعلمونك وللى وش اللى خلا ال شعيل يسكنون فى الوادى اللى هاذى القصه وكلن يعرفها ليش تنكرون الحقيقه ومادرى شنهو الهدف كانت ميه وضحى اللى دفعها منصور ابن شعيل فى شارع ابن قويد وفكه ومعى الوقت خلوها ميه قتيل ماهم رديان خطلان اليدى علشان يذبح منهم 100 وتعرفونهم زين يا قحطان بس اشاعه معى الزمن وصدقتوها انا ابى واحد من ال شرى يرد ويكون ايعرف القصه زين ويثبت التاريخ وانت بنفسك تقول فيه كذا قصه غير موارخه وانا اقول لخوى على هاذى امانه تاريخيه وارجو منك اتاكد فيها وتوثيقها وهاذولا يروون قصص ونى اقول اصحاب القصه موجودين وانشدهم ومن ال شعيل فى عين دار الجديده فى جوف بنى هاجر وهم من ال حمرا والموضوع امانه فى عنقك وارجوك اتحقق وشكرا لك

ونعم ونعم بال شعيل وال حمرا وابن شري والمسارده وفي ابن قويد والدواسر


وانا ارى قصة مدهال هي الاقرب للحقيقه بدون تضخيم وهي اللي تدخل العقل

__________________

السلام عليكم ورحمة الله وبركاته
يا النايب القصه ماهي خرافيه ولا اسطوره بل واقعيه الدليل ان المسردي سوقه سوق محمدي وكل العراف فاهمين الشي هذا .
القصه ان ابن شري كان عند الدواسر كما ذكر الاخ بسب خلاف بينه وبين ربعه وفي ذا ك الوقت كان ابن طلحان مرخي في الدواسر ماكل الطالعه والنازله من غنايمه ومسكوه الدواسر وعزمو ابن شري لان ابن طلحان كان قصيرلهم من اول ولايبون ابن شري يسوي مثلهم . ويوم جا الرجال شاف ابن عمه فقال انت مننت قال انا ابن طلحان فرد ابن شري قال اسمع انت مولي لكن والله ان اخذ فيك من الدواسر100 بعرتي وبجرتي فقال ابن اقويد تقول تونا يا ابن شري فقال ابيك تعطيني لشروق الشمس وعقبها ترا دمي حلال ورجع ابن شري لبني عمه وذبح 95 ويوم جا يموت فقرط (عظ ) بيد ولده فقال وشفيك يابوي قال لعنبوك باقي في وجهي 5لابن طلحان وغزا ولده عقبه وذبح 15 من الدواسر يالنايب
والعذر والسموحه على التقصير ..................

أرحبوا جميعاً .

أولاً : لا خلاف عند قحطان من صحة هذه القصة بغض النظر عن وجهة نظر الدواسر في صحتها من عدمه .
ثانياً : الآسم طلحام وليس طلحاب ولا طلحان وآل طلحام جماعته فرع من فروع آل معلا الخنافر .
ثالثاً : هذه القصة بحثنا فيها ولم نوثقها في كتبي لا هي ولا قصة قنيفذ بن لبده مع العتبان وثاره في رفيقه العاصمي اللي ذبحوه والجحادر يعرفون القصة المهم نعود لابن شري وهوالعقيد الفارس مسعود بن شري من الحنفان المساردة حيث يقال أن ابن طلحام مسكوه الدواسر وعلقوه برجليه وأخرجوا كلاه مع جنوبه ثم أستدعوا ابن شري ليشاهده ولما شافه وكان طلحام فيه حياه قالوا عرفته فزهمه ابن طلحام فقال ابن شري وكنه يعرفه يطلحام تهن بموتك على العار أن قضاك مئه من الدواسر بعرتي وجرتي أو كما قيل وسمعت وكنه تشاد هو ومعرفته الدوسري وقال ابن شري ليش تدعيني على فعلكم بأبن عمي أو حول هذا الكلام .

ثم حصل مواجهة بين الدواسر وابن شري واللي معه قتل منهم مجموعة والأخرين منعى ويقال أنه قطع رؤوس بعضهم وحطها أذافي للقدر ولما شافها المنعى قال قائلهم ويش ذا المنكر فقال ابن شري لا والله أما المنكر غير شفته في طلحام .

المهم أنه أقسم أن ياخذ منهم مئه ثار سوى بعرته (غزوته) أو جرته (مساندته) فلما علموا آل محمد قالوا من قتل أحد في هذه القضية فهو بأسم مسعود فلما دنا منه الأجل أو وصل أخر العمر وصى أقاربه بالعد الباقي من حنثه ويقال إنه بقي بضعة أشخاص وأنهم أي أقاربه وفوا بالنذر والله أعلم .

فلما أتم العدد قالوا آل محمد حنا نبغي نكافي المساردة على موقفهم فحطوا دية المسردي مثل دية المحمدي مئة ناقه وفرس كما كافوهم بإنهم شركاء فيما يشتركون فيه آل محمد وهذه مكأفاة وليست سلم .


ومسعود هو القال :
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يقول مسعود وما يهيا إلى سرجه=شلوانة كن رسم البئر غاربها
تركض بعود بتومان وتجفافه=ووقية فوق جيب الثوب ماهبها[/poem]
إلى أن قال :
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
وأن شاف زول وحال الليل من دونه=يطفي الذباله بعد ماكان يلهبها[/poem]

انظر المزيد في كتابنا السيف والسنان عند فرسان قبائل قحطان الطبعة الثانية ص140 وكتابنا الجديد سلوم قحطان

وسلامة الجميع

__________________
للإطلاع على تحقيقي حول قصيدة حسان بن ثابت


للإطلاع على الموضوع اضغط هنا

لزيارة موقعي أنساب العرب

تفضّل بزيارة هذا الرابط

http://ansabalarab.com/

بيض الله وجيهكم جميعا



ونعم بالمسارده وقحطان كلها


والحقيقه قصه معروفه ومشهوره كما ذكرتوها

السلام عليكم ورحمة الله وبركاته أما بعد اشكر كم جميعآ القصه معرفه لدى الجميع


أما المساردة فوالله وسبعين نعم والله إني قابلت الشيخ جعفر بن جمل فوجدته إنسان متواضع


وهذا من شيم الرجال

عز الله يا سلطان










ونعم بال شعيل يمدحونهم ربعنا وشيبانا ونعم في المسارده ولاتكفيهم وفي الدواسر





ومدهال كلامك قريب من الواقع








والله تعالى اعلم