هذا هو بأختصار شاعرنا , علي بن حمري ,شاعرنا الوفي الذي لم يخذلنا يوماً !!
يجيء بقصيدة تحمل البصمة ((الحمرية)) الشهيرة,بقصيدة فيها من الشعر أجزله ..ومن الإبداع أثمنه .. ومن الجمال شفافيته.....

خيـــــــــــــــــل وعســـــــــــــــــــــكر

[poem=font="Simplified Arabic,6,darkred,normal,normal" bkcolor="transparent" bkimage="" border="solid,medium,firebrick" type=4 line=0 align=center use=ex num="0,black"]
دروبنا زحمه ونكبه وانتكاس= ما أكثر عساكرها وما أكثر خيلها
لوما يلاقيني حجر لقيت ناس=ياروغ منها وبتلش ؟ يا شيلها ؟
إن رغت تقلبني على القاع القساس= وان شلتها ياويلي ويا ويلها
كثر المشاكل نست العين النعاس= كن السهر توحي له ويوحي لها
اكره ما أشوف من الرجاجيل الخساس = (تمسح ظهرها ثم تقبص ذيلها)
والناقصين من الأوادم والبساس= أغلظ عليها لين اعدل ميلها
يا رفقة تبني على ساس وساس = ولا نفرق بننا عن هيلها
فلا يدور للطفاس إلا الطفاس= اللي يحب إعوينها وحليلها
ضعيف وأغلى منه في السوق النحاس= الهينات يجيب ويودي لها
خلقه ربي لا سنود ولا حماس= مهيب تطري له ولا يطري لها
ولى زمنكم يا قووييين المراس =وجانا زمان أيدينها وارجيلها
أسلوك عقل الرجل لا جاها التماس=يحسب على هبل العرب وخبيلها
ومن طاح عند ارجول خلق الله يداس=حكم القوي تدعس عليه انعيلها
واللي يبي يقيس شي ما يقاس = تزعله وزنتها ويخسر كيلها
الناس هذي عند خالقها سواس = على عملها يرتكز تفضيلها
شعرك يا أبو الطيب وشعر أبي فراس=لسمين هذي نافلة في جيلها
ما يجلي الضيقات ويزيل العماس=إلا الذي للكايده خلي لها
إن قدمووه فمطلقٍ...وان قال رأس=وإن عنزووبه لا أثقلت يريكي لها
يأخذ ويعطيها دبل ماجاء وحاس = الطيبة يحرص على تدبيلها
لما ارتخت يشدها شدة مساس= وإن كان شدو حبلها يرخي لها
العدل أساس الملك ..لو به عدل أساس.؟=يلي تفرق حيلنا عن حيلها
يأهل القصور الخضر في الوضع التباس= يغشا ضحانا قطعة من ليلها
يبطي شعاع الشمس ماجاه انطماس = ونجومها من جديها لسهيلها
يطري علي سؤال في صدري وجاس= وشلوون نوتنا ؟ ونحرم سيلها
اثيابنا وابشوتنا على المقاس = (مقاسها)على حسب تفصيلها !!
القل والضيقات بي والانتحاس= ياحظي اللي حالتك يندي لها
عامين لي وانا طلوعا وارتواس= في قمة يبغي لي ويبغي لها
اخاف لا يلحقني إمن الخير ..(ياس)=قد كان حالي زين قبل اجي لها
واا سيدي شوفي شجر مدري وعاس = وإيدي قصيره والقدم عزي لها
ودواي لافي القاهره ولا بفاس = مواجعي لا خير في تدويلها
بيدك دواها يا مداوي كل باس = (اقل شي منك لو تدعي لها )
إلحق علي لاصير عرضة الافتراس = في رملة ذيب الخلا يعوي لها
أغمس علي في لذت منك إنغماس= وجدي عليها منك....يا وجدي لها
أهل الدسايس شاطره في الاندساس= يالله تسلط فوقها وتزيلها
لايآمن الطاغي عليها الانخفاس= آمان كرد إعراقها لا ربيلها
لابد يا الغصن الخضر لك من يباس= مذكور في ...توراتها وانجيلها
فلا يرد الموت كثر الاحتراس= منيةً تمشي لك وتمشي لها
ألاوله تعكس جميل الانعكاس= تظل شجرتها ويرعا زيلها
فلا تبث اخبارنا الا عبر واس = يكفيك موجزها بدل تفصيلها [/poem]

أتمنى ان تنال هذه القصيده الشامخه كشموووخ شاعرها رضاكم ..
مع تحيات اخوكم أبو معتز ..
المصدر/ مجلة المختلف

[/center][/size]

ابو معتز غالي ولا تجيب الا ثمين


صح الله لسانك ولسان ابو فواز


اختيار موفق لشاعر كبير




لاهنت

الأخ الكريم أبو معتز هذه القصيده من مفاجآتك الرائعه


الحمري شاعر يجيد الرمزيه بإتقان شاعر محترف في إيصال فكرته بالصور التي يريد

ظاهره شعريه بإمتياز القصيده رمزيه تحمل دلالات شعريه كبيره ومعبره تفكيكها صعب جدا

شكرا لك أخي أبو معتز وشكرا لهذا الشاعر صاحب البصمه المتميزه ,,,,,,,,,,,,,,

مشرفنا العزيز ابراهيم أل بي حبيب الرفيدي

شرفني مرورك يا الغالي
تحياتي وودي لك

أخي الغالي:أبو معتز

سلمت ودمت دائما ً ذوق راقي وإختيار جزل سمين يا أبو معتز ولاتصيد إلا السمين

شكرا لك والحمري شاعر قوي شرفتنا بهذه القصيده الرائعه لاهنت.............

__________________

عندما يكون هناك عنوان للابداع فهو

ابو معتز

شكرا لك على هذا الاختيار الرائع

تحياتي لك

__________________

بندر شكرا لمرورك المشرف يالذيب , تحياتي لك

مرحبا يا ابو فيصل وشكرا على المرور المشرف لاعدمتك ولاعليك زود وانت قدوة لنا في علوم الطيب كلها

تحياتي لك

مرحب ومسهلا

مايجيب الجزل غير الجزل

لاهنت يالغالي على مانقلته لنا


تحياااااااااتي

__________________

ابو معتز : اولا ودي احب خشششمك ياششيخ والله انك تجيبها على الجرح الله لايهينك ياششاعرنا بارك الله فيك جعل ربي يحفظك ويسسسعدك في دنياك لبى قلبك .




ثانيا : أدق تحيه واجلال واحتراااام وشموخ لابو فواز علي بن حمري القحطاني

ثالثا : ابي ازحف شششوي يالربع لا تلوموني فيها علي بن حمري القحطاني يلعن ابوه ششعر مو على للسسسان ابن حمري
رابعا : ولا يهونون ششعراء قحطان كلهم والله ومليون نعم ولا يهونون ششعراء القبايل كلها كلهم على راسي .


بسس على بن حمري غيررررررررر غيرررررررررررر غيررررررررررررر غيررررررررررر وكلا واعجابه .

واكرر واقول يالربع . لا تلوموني بزحف ششششوي يلعن ابوووووه شششعر اذا مو على للسسسان ابن حمري .



اكره ما أشوف من الرجاجيل الخسـاس
(تمسـح ظهرهـا ثـم تقبـص ذيلهـا)
والناقصيـن مـن الأوادم والبـسـاس
أغلـظ عليهـا ليـن اعـدل ميلـهـا
يا رفقة تبنـي علـى سـاس وسـاس
ولا نـفـرق بنـنـا عــن هيلـهـا
فـلا يـدور للطـفـاس إلا الطـفـاس
اللـي يـحـب إعوينـهـا وحليلـهـا
ضعيف وأغلى منه في السوق النحـاس
الهيـنـات يجـيـب ويــودي لـهـا
خلقـه ربـي لا سنـود ولا حـمـاس
مهيـب تطـري لـه ولا يطـري لهـا
ولـى زمنكـم يـا قوويييـن المـراس
وجانـا زمـان أيدينـهـا وارجيلـهـا
أسلوك عقل الرجل لا جاهـا التمـاس
يحسب علـى هبـل العـرب وخبيلهـا
ومن طاح عند ارجول خلق الله يـداس
حكـم القـوي تدعـس عليـه انعيلهـا
واللي يبـي يقيـس شـي مـا يقـاس
تزعلـه وزنتهـا ويخـسـر كيلـهـا
النـاس هـذي عنـد خالقهـا سـواس
علـى عملـهـا يرتـكـز تفضيلـهـا
شعرك يا أبو الطيب وشعر أبي فـراس
لسميـن هـذي نافلـة فــي جيلـهـا
ما يجلي الضيقـات ويزيـل العمـاس
إلا الــذي للكـايـده خـلـي لـهـا
إن قدمـووه فمطلـقٍ...وان قـال رأس
وإن عنزووبه لا أثقلـت يريكـي لهـا
يأخذ ويعطيهـا دبـل ماجـاء وحـاس
الطيبـة يـحـرص عـلـى تدبيلـهـا
لمـا ارتخـت يشدهـا شـدة مسـاس
وإن كـان شـدو حبلهـا يرخـي لهـا
العدل أساس الملك ..لو به عدل أساس.؟
يلـي تفـرق حيلنـا عــن حيلـهـا



صح للسسسانك يابو معتز وصح للسسسان ابو فواز الجبل الداهيه الي يوم القيااامه .



وابي اوجه رساله لابن حمري ابو فواز ............> اقول له جماهيرك تقول لك لا تخشش شاعر المليون انتبه تطبه انتبه تطبه في سسنه من السنين انت محرم عليك ششاعر المليون . حنا نخشششه عادي بس انت لا لا لا لا لا لا يابن حمري انت لحالك مدرسسه قانون .
7
7
7

ياخي ابن حمري هذا لحاله برنامج لبى قلبه والله .


يالربع لا تلوموني بزحف شوي فيها ابن حمري اكررر واقول يلعن ابوه شعر مو على للسسسسان ابن حمري