المشاركة الأصلية كتبت بواسطة سعد القحطاني

السلام عليكم ورحمة الله وبركاته

دردشه اللتسليه والتواصل

والقصور وارد .. وانتم اهل المعذره
.
[poem=font="Arial,5,crimson,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

راعي اللكسز تريض وين ساير=قف معي لحظه ولو مابك نعاسي
ودي آشاورك آعزم أو آخاير=حالم إني مقتنيه .. بحلم اساسي
بارك الله لك وجنْبْك الخساير=يوم حظك جاب ابو لونٍ نحاسي
داخله بخشه وغيم إبلا ستاير=والقزاز مصممٍ ضد العماسي
في الغماره ينصت المذهول حاير=كن فيها منتثر لولو وماسي
ومظهره فانظار واعين البصاير=درع تتويجٍ على شكلٍ سداسي
قبةٍ مصممه لأغلى العماير=سكبته في وقفته .. ياشيب راسي
مستطيل الشبك و إلـL بشكل داير=نقش باب مذَهْب بقصرٍ رياسي
وفوهة الشكمان قاذفة الذخاير=وِجهت من تل ابيب الى حماسي
وإن نظرت جنوطه بسمر التواير=صوغ فض بصدر قينه بالقياسي
في الدجا قدمه كما شهبٍ تطاير=بأمر خالقها رجوم لكل خاسي
وكن في خلفيته يشعم مناير= عند مالين الصواني والتباسي
وذا وشيم الشعف تصفق فالعواير=لاغدى بقزوزه للنار إحتباسي
لا عطى البر الخلي لدمي وذاير=وفي المدينه ما نهَج نهْج التكاسي
إن طلع تبْه كما بركان ثاير=ظن من شافه .. وراكبه إمتواسي
وإن هوى مع هويةٍ صاروخ غاير=ناصيٍ الموصل بكيد الخساسي
مشي متشافي عهيدٍ بالجباير=إن تفاجا فالوعر والوقت قاسي
ومثل كسرة حر ماهو بأي طاير=لاخذى خطوى إنعطافه صح راسي
وإن ركد مع زحمةٍ ثم فز ناير=خطر ماطوره يفر من الكراسي
سايقه ما وقْفه خلف الدواير=كن في جيبه جوازٍ دبلماسي
ولاحتسى في طرقته حبلٍ وواير=ضامنه بإذن الولي من العكاسي
منوة اللي مع حكيمين الضماير=هقوته كبرى .. لكن صعبة مراسي
ويش آوصف .. بأبتلش وإبليس باير=إسر والله يحفظك من كل باسي
الثمن في ذا الوصوف آكيد جاير=غصب بآخاير .. وذا ماهوب ياسي
توبه آعلم بحلمي والسراير=ومن نشد عن حلمي .. ابآقول ناسي
والمناوي ما تضويها البشاير=إصح يالحظ الكسول من النعاسي[/poem]

وسلامتكم

.