السلام عليكم ورحمة الله وبركاته

في مجلس الشيخ هيف بن عبود المجلس العامر

بام رقيبه


اجتمعو قبيلة قحطان يباركون ويشاركون والشعراء في المقدمه

بعض الصور خلال حفلات ام رقيبه


الشيخ هيف ابن عبود





الشيخ محمد بن زايد




ان شاء الله يتكرر الفوز للشيخين



الشاعر / محمد بن شديد العاطفي

قدم القصيده في مجلس هيف
بيض الله وجه ابن شديد على المعاني الطيبه والتشجيع واعطاء صبيان قحطان حقهم

محمد بن شديد قام بتلحين القصيده على الجوال ( 4 دقائق )

[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="none,medium,gray" type=4 line=1 align=center use=ex num="0,black"]
الحمد لله يوم جتنا على الكيف = فزنا وهذا الفوز باسم القحاطين
بجايزة من وحد الدار بالسيف = عبدالعزيز موحد الدار بالدين
على الشريعه ولف الشعب توليف = وشعارنا نخلة ومن بين سيفين
ياسايق الفنجال عده على هيف = ومحمد ابن زايد ابن الخيارين
زود على فنجال دله من الكيف = فنجال كسب الاوله في الميادين
يستاهل الي ماحسب للتكاليف = شواش بطاش يضد المعادين
قول على فعل ولا فيه تزييف = ماعندنا فعل بليا براهين
انتو بديتو نايفات المشاريف = الله يخليكم لنا سنين وسنين
يالاطمين الحف لمن بدا الحيف = الكل منكم فالشدايد حمر عين
وفمزاين الابل كايدات التواصيف = وضح ومجاهيم وجميع الملاوين
من دون قاصر فالرجال المشاعيف = المركز الاول لكم بس ياثنين =
وانا اشهد انه مايعرف المعاريف = الي تحدا مرجحين الموازين
عقب التحدي كثر من التحاسيف = حنا الرجال ابنا الرجال المسمين
حنا قحطان مفرقين المواليف = يشهد لنا تاريخنا اول وهالحين
حنا قحطان ان جات صعب المواقيف = رجالنا لمن وقف عن ملاين
دون الخوي والوجه والجار والضيف = ناقف جهر مافيه وحده وثنتين[/poem]

وسلامتكم
اخوكم
مرعي بن علي ال دواس الحبابي

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

بيض الله وجهك على التغطية




ننتظر القصيدة على الجوال

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

بيض الله وجهك يامرعي عزالله ان مجهودك واضح وملموس

ويستاهلون الفوز هيف ومحمد بن زايد شرفونا ورفعوا رؤسنا

وصح الله لسان الشاعر ابن شديد

__________________

بيض الله وجهك يابودواس

مجهود طيب ماشالله عليك ،،

__________________

أشكر الزميل SAAD على التوقيــع

يستهلون كل خير

وكفو يابن عبود وايابن زايد

تستاهلون لبنها

قدام قدام يقحطان مع كل نوماس

يستاهل هيف ويستاهلون القحاطين كلهم
وبيض الله وجه الشاعر على القصيدة الجزله

ولا هنت يامرعي على الموضوع اللي يشرح الخاطر

__________________

بيض الله وجهك يامرعي


ولاهنت على هذا التغطيه الرائعه ونقل القصيده الرائعه للشاعر المبدع والجزل محمد بن شديد



شكراً لك يالغالي

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

لاهنت على التغطيه يابو علي وبيض الله وجهك


والشيوخ الفائزين يستاهلون وفوزهم بجداره وهم اهل له


وصح لسان الشاعر بن شديد على القصيده الكفو


لاعدمناك يالقرم ،،

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.