المشاركة الأصلية كتبت بواسطة عاشق الوطن

في الحقيقه انني اتشرف بالمشاركه في هذا الموضوع للأخ والزميل مضواح بن شتوي

في اطلالته تحت اسمه الحقيقي حيث يمتاز الشاعر مضواح بجزالة المعنى

والافصاح المباشر وهذا دليل واضح في طيب السجيه والسماحه والتلقائيه

كما ان شاعرنا المبدع مضواح واضح مع نفسه بعيد عن التكلف وهو يخاطب ذاته

ومع ان شاعرنا مضواح عفوي وطيب القلب في جميع مناحي حياته وقريب من محبيه

ببساطته وطيب قلبه الا انه في وقفات اخرى يختلف حينما يتطلب الموقف ذلك وخاصتاً حينما

يتطلب الموقف المسائله واعادة كشف بعض الاوراق

لآنه شخص واضح ومن حاد عن ذلك قسى عليه

لعلنا في هذه القصيده نتعرف على جانب جميل في حيات هذا الشاعر المبدع

حيث يقول

البارحة ساهرٍ عيـت عيونـي تنـام اسبابها اللي خذا رورحـي وقفابهـا
كني سجين بعدها عايش فـي ظـلام في حجرةٍ مظلمـة ماينفتـح بابهـا
يازين صدك وهجرانك لمثلـي حـرام الله ولا عشرةٍ ماضحـك لـي نابهـا
العشق ماهو كذا العشق ود وغـرام = اما لهـا ياللطيـف الـروح ولابهـا
اخاف يلحقك من خولان هرج ومـلام = هرجة قفا ماتسراللـي تحاكـا بهـا
اما تزيد الرضى ولا نزيـد الخصـام = ما ارضى عليك الخطية وانت ترضابها
وان صار فيها زعل يصير فيه انقسام = وليا انقسمنا عدانـا تفتـل اشنابهـا
العام يوم الزعل بين المحبيـن قـام = وقامت صقور الهداد تحـد مخلابهـا
حطيت يدّي بيدك ياحسيـن الوشـام = محبةٍ اهل الوفاء مابـاروا اصحابهـا
تأمر وانفذ الاوامر في جميع المهـام = واقول لبيه اربـك تحسـب احسابهـا
واليوم اشوفك نسيت الود والاهتمـام = ماهي بها ياحبيب الروح ويش جابها
ان كان هذا الغلاء والود والاحتـرام = عفـت المحبـة وخليتـك تهنابـهـا
تجهل نظامي وانا علي يمشي النظـام = واللي ذبحني حِـلاك اللـي تحلابهـا
البلبل اللي يغرد يـوم نـاح الحمـام = غنابها بس مـادري كيـف غنابهـا
خل الحيّل والتغطرس ياعزيز المقـام = بعض التماني وهّـم للـي تمنابهـا
هذا مثل يذكرونه قبل تسعيـن عـام = اللـي تغـدى بكذبـه ماتعشابـهـا

وبعد هذه مشاركه في الترحيب بشاعرنا الكبير مضواح بن شتوي وقد استقيت ماكتبت

حسب قراءتي لمشاركاته القديمه عبر شبكة قحطان

ولاشك ان هذا التحول الى الاسم الحقيقي

يحمله كثير من مطالبنا التي الفناها فيه سابقاً

وهو ان يبقى وفياً لمحبيه ومتابعيه

وان لايكون مقلاً لان الافصاح جعلك أكثر قرباً الى قلوبنا

فمرحباً الله يحييك

المشاركة الأصلية كتبت بواسطة طيب الساس

والنعم بالشاعر الكبير والنعم بالجميع ...........وبيض الله وجهيكم.........تحياتي لكم

المشاركة الأصلية كتبت بواسطة ابن عياف

خولان بن عامر

اسم لمع نجمه

بقوة نحو الساحة

ومما زاد اسمه

هو جمال اخلاقه

وروعة حضورة

وخفت دمه

له طله جميلة

وله رونق في الحضور

اذا حضر بان

وان غاب وضح

جمع له سمعتين

بدل من سمعه واحده

سمعة اسمه

وسمعة لقبه

لذا

فلا عجب ان كانت

(( ســمــعــتــه ذهــبــيــة ))

وهو فعلاً يتمتع

بصداقات كثيرة

فلا تكاد تراه في حفل أو في مناسبة

الا وهو يسلم

على احد

أو يمازح احد

فما ندر ان تجده منعزل

او صامت لا يتكلم

أو لا يكلمه أحد

أن تكلم أحسن الكلام

فهو لا يخرج الا شعراً

وان كان كلامه العادي نثراً

وان سكت فإنه يحسن السكوت

ليس كسكوتنا

بل سكوت فيه

تحضير لقصيدة

يعيش فيها

قبل ان نعيشها

يحسن فيها الصياغة

ويداريها من المنقود

ومن قراءة الحسود

فإعتنائه بالقصائد

واضح كأسمه

في كثير من قصائده

فكثير من الشعراء

تجد له

وتجد عليه

اما شاعرنا الكبير

خولان بن عامر

فهو كبير

لذا

فكلماته كبيرة

ومميزة

ينتقيها من قاموس اخلاقه

ومن رفعة ذوقه

وعلاوة مكانته

لذا

تجد في قصائده

جمال قل ما نجده في قصائد أخرى

وسلاسه عجيبه

فكل من يقرأ له

يعجبه سهولة القراءة ووضوح المعنى

وكثرة الحافظين لقصائده والمعجبين بها

أكبر دليل على ذلك

وهذا تميز أخرى يحسب له

فقصائده غالباً ما تعايش الواقع

الحقيقي والملموس

فلا يخرج لخيال غير مفهوم

ولا لنص مبهم

يجعلك تبحر في خياله

الواضح

وتعيش فيه وتصدقه

فلا تأتي أخر القصيدة

الا وتتمنى انها لك

وانك الذي كتبتها

لانك طبعاً اصبحت من عشاقها

فلو طلبت منكم الاختيار من قصائده

واحده فستعجزون

لروعة قصائدة ككل

ولو أنه ليس له الا هذه القصيدة الرائعه بكل ما تعنيه الكلمه لكفته أن يكون شاعراً كبيراً عندي

....

لصار مالك من رفيقـك مـودّه
خله ولا تتعب على شان ترضيه
اللي معك ساعه وينساك مـدّه
وزيارته لك يوم تفضى مخابيـه
ماجاب له بين النشامـا مسـدّه
الله ولا رفقة رفيق المشاريـه
هذا الذي مافيـه لطيـب نـدّه
خله يدّور لـه حلـيٍ يخاويـه
دور رفيق فـي اللـوازم تعـدّه
فرح بشوفك وانت تفرح وتغليه
اللي علوم الطيـب ورث لجـدّه
ماجات. بدعه غير من ترثة ابيه
للي يوّدك وانـت مثلـه تـوّده
ومن غير هذا كل فرضٍ يصليه
لجاء لزوم بين الاجـواد سـدّه
تطرب لفزعاته وتطرب لطاريـه
هذا على ما تملك النفـس بـدّه
ولا هو بلاقي غير حاضر ولبيه
ولا الردي ماله من العيب صدّه
حتى التشّّره لاحقٍٍ في عوانيـه
اللي لبس له ثوب ماهـو بقـدّه
اما قصر ولاّ عثّر بين رجليـه

....

(( هذا اقل ما يستحقه مني ))

مع تمنياتي له بالتوفيق

المشاركة الأصلية كتبت بواسطة وليد العلياني

بسم اللة الرحمن الرحيم

السلام عليكم ورحمة اللة وبركاتة

ومرحبا بشاعرنا الكبير المخضرم مضواح ابن شتوي الحبابي

ولا اقدر اقووول شي المدح يعجز عند شاعرنا مضواح

ولاهنت على الموضوع

تحياتي :

العلياني

المشاركة الأصلية كتبت بواسطة صقري عبيدي