لاهنت يابا الذموم بيض الله وجهك

السلام عليكم ورحمة الله وبركاته :
والله ومليون نعم في قبيلة ال جروى عبيده .

الأخوة الأعزاء : [ من آل سعد وأحب بني هاجر _ ديمقراطي _ ابن جثلة _ السم القاتل _ الطفيلي _ محمد العرجي _ النار]

أرررررررررررررررررررررررررررررحبوا يارررررررررررررررررررررررررررجال

الله لايهينكم يابني عمي على ذا المرور ولكم مني جزيل الشكر وعليكم بالعتيبي [ الفهاد ] أضغطوه تراه أكبر مزور للحقائق وهذا إن دل فيدل على نقص العقل الله يجيرنا منه .


الأخ العتيبي [ الفهاد ] اللي يدل على إن كلامي صحيح هو على النحو التالي :

1) على طول مغازي عتيبه على الخنافر لم يستطيعوا أن يأخذوا الأبل من الخنافر إلاّ في حالة واحدة إذا كان ما عندها أحد وقد حصل هذا نادراً مثل :

أ ) الهية اللي ذبح فيها الشيخ عبيد بت تركي بن حميد اللي ذكرتها في موضوعي .
ب ) ووقعة [ أبو هميد ] يوم غزوا الشياببين والعصمه بقيادة الشيخ هذال بن فهيد الشيباني على الخنافر وخذوا أبلهم و استفزعوا الخنافر بآل عاطف وراحوا آل عاطف وعدهم أكثر من أربعين خيّال يوم أقبلوا آل عاطف على الشيابين وكان مع الشيابين العصمة يقيادة شيخهم أبا العلا .]
المهم تواجهوا آل عاطف والشيابين قاموا أل عاطف صوبوا هذال بن فهيد وذبحوا أخوه الشيخ مصلح بن فهيد وولده الشيخ سلطان بن هذال بن فهيد وقام الشيخ جهز بن هذال بن فهيد وطق يوم شاف أخوه سلطان ذبح وكان من المنعى ذاك اليوم الشيخ أبا العلا شيخ العصمة المهم إن آل عاطف ردوا الأبل للخنافر يقول ابن فتنان آل روق عقب هذه المعركة قصيدة طويله منها :

واللي رماه ملهي ٍ جعله يعيش ******************** يستاهل اللي لحبته ما تبيعي

حوّل بمصلح بين هذال وعميش ******************** والكل منهم لجنبه ما يريعي

وسلطان ينكس عليه خافق الريش ******************* وأبا العلا ردوه قده منيعي

وقفى جهز يقول ماعاد مني أيش ****************** من عقب ما هو للودايع وديعي

وملهي ياشوق راعي العكاريش ***************** كم سابق ٍ من راس رمحه شليعي


[ ملهي ] هو الشيخ الفارس ملهي بن مسفر بن هادي بن سعيدان آل عاطف هو اللي ذبح الشيخ مصلح بن فهيد والشيخ سلطان بن هذال بن فهيد .
عقب ذاك اليوم أخذ الشيخ هذال بن فهيد الشيباني يهدد انه بياخذ بثاره وثار أخوه وولده من آل عاطف


2 ) اللي يأكد كلامي قصيدة الشيخ العفار ضيف الله بن تركي بن حميد يوم يسندها على خاله الشيخ محمد بن هندي بن حميد بقوله :

ياشيخ ما تآمر عليهم بغاره ************************ كود الجروح اللي على القلب يبرن

معنى القصيدة أنه لاهو ولا الشيخ محمد بن هندي بن حميد حضروا القصة اللي ذبح فيها الشيخ عبيد بن تركي بن حميد

كيف تقول إن عتيبه ذاك اليوم بقيادة الشيخ محمد بن هندي بن حميد .
لك مني جزيل الشكر وأنتبه لنفسك أحسن لك وخلك ذرب .


أخزكم أبا الذموم

__________________

الأخ العتيبي [ الفهاد ]


تدري وش مشكلتك إنك إذا أحد ضغطك وضيّق عليك ما عاد تعرف تحكي وتقوم تلخبط الأمور
أنت ليش تطلع من الموضوع أصلاً

أنا كلامي عن قصة مقتل الشيخ عبيد بن تركي بن حميد على يد الفارس مبارك بن غنيم آل كليفيخ الخنافر وعطيت زبدة الهرج والكلام الصحيح في الموضوع .

وأنت قمت تجيب مواضيع ثانيه على العموم تلقى الجواب الشافي في موضوعي الثاني : [ قحطان وعتيبه ] .


أهدي لك في الأخير بيتين للشيخ محمد بن هادي بن قرملة وجهها للشيخ تركي بن صنهات بن حميد :


يا تركي بن حميد وإن كنت صادق ******** فارجع بقومك لا تولي دبورها

فكان جمعاكم خذت ثوب راعي ******* فترى جمعنا ما ياخذ إلاّ ندورها



أخوك أبا الذموم

__________________

قلت يالفهاد قصيده ابن فهيد وطريت شيخ الفهر
ولكن خذ أحدية بن شفلوت يوم غزا على ابن فهيد بالرفايع وكسرة وطردة من الرفايع
يوم حل بالرفايع مني مغيرة*******راحت سحايلها على العتباني
هذال خذينا حلتة وبعيره**********وجوزاء سلبنا ثوبها السبهاني

والشيخ هذال الله يرحمة فارس وشيخ وغزا على الخنافر وذبحوة وكانت زوجتة بنت ابن زريبة تنصحة
خل عنك الخنافر لا يذبحونك ولكنه عاند

__________________

أررررررررررررررحب يا خيال الجدعاء
بيض الله وجهك على حميتك يا شارب الفناجيل
تقبل مني فائق الاحترام

__________________

أبا الذموم

وفيت وكفيت ياكحيلان ولا قصرت ورأيتك بيضاء
وعلومك وافيه وذربه ولاهنت على المواضيع المميزه


الفهاد

حياك الله في مجالس قحطان

__________________



ممصمنا المبدع
تركي العلياني
ألف شكر لك

الأخ العتيبي [ الفهاد ] حيّاك الله


أول شي الشاعر ابن فتنان آل روق كان قصير للشيابين يوم قرر الشيخ هذال الشيباني إن يغزي على الخنافر مسكه وربطه وحجزه عنده وخلى عنده ناس يحرسونه علشان ما يروح للخنافر ويعلمهم إن هذال بن فهيد بيغزيهم على فكره ترى الشيخ هذال الشيباني يعتبر من دهاة وقته في الوقت اللي غزى على الخنافر كانوا الخنافر لهم مغزى مع قبيلة ثانية وكر وفر وقام الشيخ هذال الشيباني استغل إن خيل الخنافر مجهده ومتعبه من الكر والفرغزا عليهم وخذا ابلهم واستنجدوا الخنافر بآل عاطف لكي يردون الابل هم والخنافر.

واللي يأكد كلامي قصيدة الشيخ الفارس مناحي بن جرمان بن سعيدان آل عاطف وموجهها للشيخ الفارس هذال بن فهيد الشيباني :

هو ما خبر يوم ٍ بخشم غرور ********************* يوم حصه بالضعن تنخاه

يضرب بشلفا حدّها مسمور ********************* فوق الابهر في قوي علباه


أخوك أبا الذموم

__________________

الأخ العتيبي الفهاد حياك الله وأوعدك بموضوع مستقل بالتفصيل للمغزى اللي بين آل عاطف والخنافر من الجحادر وبين عتيبه بقيادة الشيابين والعصمة.

__________________

الأخ ابن غفره أرررررررررررررررررررررررررررررررررررررررررحب وبيض الله وجهك على تعليقك وعلى مرورك الجميل وعلى ردك الأجمل وعلى فكره ترى مرورك على أي موضوع لي يضيف له بصمه جماليه وشرف لك مني خالص الشكر والتقدير .

أخوك أبا الذموم

__________________