[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black""]
اليوم زعلان واخلاقي تجاريه = لاحدٍ يلوّم علي ولا يحاكيني
مازلّ لو قلت ضاقت بي السعوديه =من كل صوب وصغر الكون في عيني
لولاي خايف من النفس العصاميه =والله لا ابكي كما تبكي الوراعيني
اوضاعنا الراهنه ماهي بعاديه = واحوالنا تدبل كبود البعاريني !
نجاد يظهر علينا كل عصريه = ينبح وتنبح كلابه في المياديني
من عقب صدام ماواجه شقرديه = تاطا على هامة الفرس الملاعيني
واليوم صارو الروافض والنصيريه = في الشام تعبث بتاريخ المياميني
برعاية الروس والصين الشيوعيه = حُثاله تستبيح العرض والديني
بشار عنق الزرافه بيّت النيه = ومساعدينه على ذبح المساكيني
الى متى روحنا تبقى انهزاميه =يا امة محمد وياروس السلاطيني
الى متى ننتظر دعم الحراميه = في مجلس الغبن مختل الموازيني
تكذب علينا النصارى واليهوديه = ادمّر اوطان وتقتّل ملاييني
اخاف عقب العراق تروح سوووريه= وتضيع منا مثل ضيعة فلسطيني
ويتم طوق الصهاين والمجوسيه =اللي علينا تحمسها الشياطيني
ياحفاد ابوبكر والفاروق ماهيه =يامهبط الوحي يادار الحرميني
وين الصناديد وين ابطالنا الحيه ؟= اللي ترد الطغاه وتنزع الديني
معاد في العمر للذات ماريه =اليا رضينا الهوان وقلة الديني[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]