السلام عليكم ورحمة الله وبركاته

قصيدة الامير/نواف بن فيصل في والدته الاميره/منيره بنت سلطان بن عبدالعزيز رحمها الله


سبع وخمس سنين ياهي مريره...مابين خسف صاب دنياي وكسوف

يوم أنطفت شمس الجزيرة ظهيره ...وعني رحل فيصل وجت عجة ظروف

صارت حياتي لكل الأهات ديره ...وكنت الحزن كله تعابير وحروف

ودعت أبوي ولابقالي قلب غيره ...الا خفوق كنت به دوم محفوف

حضن الأمان اللي وهبني ضميره ...واللي سقاني كل طهر ومعروف

وأصدق شعورلفني في حريره ...وأحن صدر ضمني وأعـــــــــــذب وصوف

أمي ,بكل الأوصاف توصف كبيره...ومن غيرها يقدر يبرد على الجــــــوف

بنت السمو اللي زهت به مســــيره ... وأم الجريح اللي من العمر محــــذوف

سبت فجعني والمناياشطيــــــره ... وحتوف لاحل القدر طاحت سيوف

سبت لحق سبت وتاهت بصيره ...ورجعت أون ,وعود الوجه مخطوف

اصيح وأشهق والسعيره سعيره ... ويارب صبرني ...يارب ملهوف

فقدتها يارب هدي السريره ... ماابتل ريقي وينها؟ وياضما روف

كن القمر من عقبهامات طيره ...وتوشح ثياب الكدر واقبل خسوف

عزا وعزتني صفوف كثيره ...ومافهيم اللي رد صبح لمكفوف!

ماعادت ديارالسهاري منيره ...ظلما هنا وهناك .والباقي طيوف

وذكرى تزلزلني ودمعه غزيره...وطفل يتيم هده البعد والخوف

مكسورولاتنفع بكسره جبيره ...مقهورمابيده ولاشئ مكتــــــــوف

لبست ثياب احرام عمره اخيره...وصار الكفن في عرش رب السما يطوف

ربي يتقبل نــــــــــــــيتك يالفقيره ... وحنا برجوا خالق العالم ضعوف

يمه:صمت, وموجعــات عسيره ...وضيقه ورا ضيقه,وهم,وعاصـوف

يمه:وداع ,وخيرة الله خــــــــيره ...وفي ذمة الله كلنا بـأرضه ضيوف

أقول وش أقول :راحت (منيره)...يعني فقدت النبض والسمع والشوف