[poem=font="Simplified Arabic,5,black,bold,normal" bkcolor="burlywood" bkimage="" border="none,medium,gray" type=4 line=0 align=center use=ex num="0,black"]
قوم يا ساري وهات البنادق والسيوف=و اجمع الجمهور للعب وسط الملعبه
قوموا صفين واللي حضر لازم يشوف =ينظر المغرور لآمن حضرنا نغلبه
لآحضرنا اللعب ما نحسب حساب الضعوف=والقوي إليا حضر غصب فكره يجذبه
صورونا وأنشرونا على صفحة قطوف =كلها لأجل الرموش الطويلة تطلبه
لعنبوها كل ما لدت أبعين(ن) شغـــــــوف=آتحمس واجلب أللي فلا أحدن يجلبه
حبها ساكن فؤادي وانا قلبي رؤوف =وأتجاهل قدرة النفس واخفي الموهبه
العرب كل العرب بالطرد خلف الهنوف= والهلالية تقول الهلالي واشنبه
دمرتهم والبقا في رجاجيل (ن) وقوف=واقفين أبسبحة الشعر و السبحه هبه
العصا لمن عصى و المواقف ما تطوف=من يطوفها تجيه العصا ثم تضربه
راعي الميقاف ما ينتظر ساعي الظروف=كل ما لاحت بروق (ن) رعدها يعقبه
عدلوهم يا هل المجد و المجد أمعروف=كل ما سمعوا لحون الهواوي تطربه
السحايب خيلت و المطر وسط القنوف=والثقايل ساقها الله لأرض(ن) طيبه
لابتي يا لابتي راس من فوق الكتوف=يا سناحين الظفر و الظفر هي تكسبه
واقحطان(ن) درعنا دونهم حنا سيوف=ضد للضد المعادي يقص إله إرقبه[/poem]