بسم الله الرحمن الرحيم
هذه القصيدة للشاعر: عالي بن علي بن مجبل الرشيدي مدح لقبائل الجزيرة وفيها نوع من شحذ الهمم
يقول:



[poem=font="Simplified Arabic,4,black,normal,normal" bkcolor="transparent" bkimage="" border="outset,4,chocolate" type=1 line=0 align=center use=ex num="0,black"]
بديت ذكر الله بمبدى كلامي=بادي بذكر الله قبل كل سؤالي
هوالعليم ويعلم الخلق كلهم=برا وبحرا وعالما كل محتالي
علام مابين السماوات والوطا=علام مافي الأرض من خلق الأزوالي
هو الرفيع اللي على العرش معتلي=محيي الرميم اللي عقب دهر الامحالي
هو خالق المخلوق مسلم وغيره=وكلن على دينه وكلن له شكالي
كلن على دينه وربه عوينه=وكلن يريد الطيب والمدح والمالي
حنا على سنة محمد مشينا=حنا على دينه بشيبان وعيالي
حنا العرب من دورعصر الصحابه=والشرق الاوسط محتمينه ولا زالي
ياعادل الميزان يارب الملا=انك تعدل الميل ولوكان كد مالي
يارب انا طالبك تقبل دعوتي=يارب ياحلالها وانت ماتحالي
انك تعز اخوان مريم عزنا=عز الضعيف عن حمى الحر باظلالي
عز الكويت ومسند للعروبه=لادق طبل الحرب بالمال ورجالي
شيوخا لها تاريخ من روس العرب=عدالة المايل ولوكان كد مالي
وين الملوك ووين كل اروساهم=وين هل العادات ماضين الافعالي
ردو عليهم ردتا تطرد العدى=عيبا نخليهم ولو قيل ما قالي
حنا العرب عيب نخلي وطنا=والنصربالتاريخ معنا ولا زالي
والحرب كر وفر قبل الحلا مر=وعيبا نخلي غالي الارض والمالي
وين العرب هم وكل القبايل= وين هل العادات جا وقت الافعالي
قبايل نبغى نعدد افعالها=حتى ينشأ للمخاييل بخيالي
وان رشيديا على الخير والشر=واعد فعل اللي على الطيب عيالي
من لابة بالكون تنطح حريبها=بني رشيد منزحت كل خيالي
اسمع جوابي بالقبايل كلها=هرج حلا من شفة الفنجالي
وين قحطان اللي لها ترجع العرب=اللي فعايلها على الطيب تنقالي
وعيال وايل في الملاقا هوايل=لا صار في حس المدافع تزلزالي
وشمر اليا صاح المصيح بدارهم=تمشى لو ان الملح غاديا له اشعالي
ومطير حمران النواظر باللقا=تثنى وترمي للمعادين مقيالي
وعتيبه اللي تروى السيف والقنا=اسيوفها تنقط من الدم شلالي
وحرب اليا لحقت دروع المعادى=تاقف ولا ياتي بها خوف وجفالي
وين العوازم سقم عين الحريبي=كم واحد من فعلهم جاه سلالي
وين الظفير اهل الدخل والدخيلي=نطاحة الصابور ولو قيل ماقالي
وسبيع صعبين النهار الطرادي=لا جا نهار فيه عاذل وعذالي
وعجمان باللقوات شرابة الدم=نزالة بالخوف من نسل الابطالي
وين الشرارت اللذى تنطح العدى=افعالهم يسمع بها كل رجالي
والمره اللي بالملاقا نعدهم=مستارثين الطيب من غير مكيالي
ودواسر بالطيب وردت احبالها=دواسر ترعى طرا كل منزالي
وسهول باللقوات تمدح ارجالها=يشهد لها التاريخ في كل الاحوالي
وفضول ضد للعدا والمعادي=صعبين باللقوات على كل حيالي
وخوالد تشهد لها الناس كلها=ربع الذي حيف على البيض بسهالي
وعشيرة السعدون نطاحة العدا=نطاحة الحرب حماية التالي
وهواجر تفعل اليا جاء لزومها=سباع تحد انيابها باشهب اللالي
وهرشان باللقواتترخص اعمارها=اللي لها بالشرق منزل ومدهالي
وبلي اليا ركب الرشابالمحاله=يافون باللقوات والعمر زوالي
وبني عطيع في الملاقا حميه=لاجا نهار فيه بايع ودلالي
وبقوم لاهز القنا ثم انتخو=افعلهم منها احمر الدم قد سالي
وين العداوين الذي تنطح العدا=معربين الجد والعم والخالي
وين الشلاوى يوم ماضي النخاوي=مركاضهم ياخذ به الذيب محوالي
وزعوب لا ثار اشهب الملح بالنار=افعالهم منها اهل الطيب تهتالي
ويام(ن) هل العادات في ليلة الدجى=يامية تكسر وتجبر بدسمالي
وبني صخر بالشلف مضرابها النحر=ضد المعادي يسندونه على الجالي
وبني عسير اللي لها الطيب ينثنى=ضد الحريب اللي عن الدرب ميالي
وحويطات باللقوات تسمع افعالها=سيوف(ن) شطيره للمعداين نحالي
وعقيدات في قول الرجال الاوايل=دروع لها بالطيب راسل ومرسالي
وشهران بايام الحرايب تبينت=تسقي الحريب المر والسم له الكالي
وين الحوارث يوم ماضي الموارث=افعالهم تسمع جديدات وسمالي
وبني تميم اللي لها الطيب ينثنى=قبيلة تعرف بها ابطال واشبالي
وجهينه اللي من قدايم سنينه=اللي لها بالطيب مطلع ومدخالي
وقبايل ماتنحصى لو نعدها=ماتنحصى مابين راحل ونزالي
منها جنوب وشرق وايضا منه غرب=ومنها شمال وهاضني نظم الامثالي
تكفون ياهل الطيب ردو عليهم=ابلادنا مايسكنه كل دجالي
تساعدو بالطيب والعز والبقا=وارسو كما ترسى ثقيلات الاجبالي
هذا كلامي والصلاة على النبي=اعداد ماهل الشهر دوم بهلالي[/poem]



اخوكم:

__________________
يالله إنـي طالبـك عـفـو وغـفـران وسـمـاح = ياللذي تجزي علـى الحسنـه بعشـر أمثالهـا
هـذي الدنـيـا ماتـسـوى لا تـعـب ولا كـفـاح = دام مـاهـي دار خـلـد لـيـه أنــا أتعـنـى لـهـا
عيشتى عيشـت غريـب وادع الغربـه وراح= أو كـمـا عـابـر سبـيـل دوم يـشــد رحـالـهـا
أو كما تايـه بصحـراء مالقـى شربـت قـراح = أو كمـا إللـي تحـت شـجـرة نـاعـم بظلالـهـا
كلـهـا أيــام وليـالـي ثــم قـالـوا فـــلان راح=أخـذه المـوت وحياتـه غــاب نــور هلالـهـا

الشاعر محمد بن مزهر الرفيدي