قصيدة اكثر من رائعة في نظري على الاقل فتفضلوا
قصيده غزليه للشاعر سليمان بن شريم
يالجتي لجت حمام على بير
فرق لهن عنوه وفرق يطيرى
او لجتي لجه محال النواعير
غادن لهن فوق المحاور جضيري
او لجتي لجت ثلاث (ن) على بير
متفاختات(ن)بين ورد وصديري
قالوا علامك قلت مانيب في خير
قالوا مقل وقلت خيري كثيري
قالوا مخيف وقلت ربعي مناعير
انطحبهم وجه العدو والمغيري
قالوا محب وقلت سيد الغنادير
سجلي وعنديله محل كبيري
قالوا جهلت وقلت حلم(ن)وتفسير
راضي بقسمي مثل ماصاب غيري
قالوا هبيل وقلت دنوا دكاتير
ان كان خلي راضي(ن)بتعزيري
قالوا تموت وقلت دنوا حفافير
واللي صديق لي يباري مسيري
قالواتشهد قلت ياناعش الطير
هون مماتي لايكون تعزيري
الا ان حصل راعي الردوف المزابير
سجدت لك بين العشاء والاخيري
شكر(ن)لمعبود(ن)عليه التدابير
حيثه جمع لامي بلاما عشيري
عسلوجة متلول شقر(ن)دعاثير
والموت بين ملجلجة والنضيري
وغضه حمل رمانتين مصاغير
ماله بجيله بالمحاسن نضيري
كنه من احسن نبت وسط القفافير
توه على زمه شبابه صغيري
عرفه قوامه والمودة مسابير
ومقدر الله كل يوم يغيري
مانساه لين طويق يرحل وراء النير
والا حضن ينزل بهير الوشيري
والخيل تترك بالحذا والمسامير
والبدو ينسون السلف الظهيري
ياونتي ونت كسير المناصير
خلوه في تال الركايب عثيري
اقفوا عنه ربعه وعظمه شعافير
والقوم حاطوبه ولا له مجيري
وختامها صلواعداد العصافير
على الذي أرسل نذير وبشيري
وسلامتكم
18-12-2005, 10:39 PM
تعليمات المشاركة
العرض الشجري