[poem=font="Traditional Arabic,7,darkblue,normal,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
انا للدهر شاكر وانا له بعد ممنون= عطاني دروس ابدون خطن وتلقيني

ذريت الوفا واهل الردى للردى يذرون= عسى من ذرى ريحان يجني رياحيني

امشي كثير احيان مابحَث المدفون= ولكن كما قالوا ربا الما على الطيني

غلا صاحبي مشلح ومرفوع فوق متون =وخايف خطاه اللي حصل لايعريني

خطا الصاحب الغالي عذاب وعماة عيون=ولايمكن ان ضحكه ومزحه تنسيني

تساوى شكل لوتار غير اختلاف لحون=لحون البلاده عزفها كم يعنيني

تغره مصر واهرامها ماعمر فرعون=وكاس الكباير والبنات المزاييني

اشوف المراجل مسرعه ليه سار بهون=اذا كان مايلحق فلاهو مجاريني

عيونه تراعي راعي المال والمخزون=وتشتام خوه من وفاهم مخازيني

نسا اللي ولو يحتاج روحه يقول تمون =ومعطيه وزن(ن) فوق كل الموازيني

لكن ينتبه دينه خطير(ن) يصير ديون=لأن كل دين(ن) لانقضى مانقضى ديني

خطا الصاحب الغالي عذاب وعماة عيون=ولايمكن ان ضحكه ومزحه تنسيني[/poem]