السلام عليكم ورحمة الله وبركاته



صوره غريبه هيضت قاف شعري
وصاحت احاسيس الألم كل ابوها

لقطه كئيبه ترمز لوضع مزري
أهل القلوب الميته خلفوها

طفله صغيره عاشت الهم بدري
تبكي وترثي حالها هي واخوها

ثيابهم رثه والاسباب مدري
بس اعتقد كل المحن جربوها

من شفتهم ضاقت بي هموم صدري
يا ناس صورتهم تبكي.. شوفوها

أشكالهم غصبن على البال تطري
وقصة ألمهم بالقلوب انقشوها

وش ذنبهم بللي بها الكون يجري
أطفال غلطات البشر ماحسبوها

ياويل ظالمهم إذا كان يدري
ماخاف من رب البنيه واخوها