[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يامسا صباح خيـرك يالجنـوب=والعبارات انـت سيـد احبابهـا
راية النصر العزيزه لو تجـوب=في حضن بقعـا فحـن طلابهـا
والوعد لادقت اجراس الحـروب=والله إنّـا مـانـروح إلا بـهـا
والشروق ايذا بدى يصبح غروب=يحجبـه بـارود غبـر اثيابهـا
حدّوا الحوثي على سود الدروب=والصقور تهين نعـق اغرابهـا
ياللوا الثامن عشر خلك طـروب=وانت تاخـذ بالعمـل بسبابهـا
والويتنـا كلهـا عيّـت تتـوب=مـن طناختهـا وحـدّة نابهـا
كنها يوم اقبلت مثـل النصـوب=سيلهـا يـدم صخـر اترابهـا
ابشري وإن ترتدين النصر ثوب=دامهـا يشهـد لهـا محرابهـا
والشهاده جتك يالصدر الرحوب=تنتظـر ظـمـاك ياشرّابـهـا
يالملك لو فتنة الحوثـي تشـوب=نحرقـه والنـار مـن شبّابهـا
والخناق نضّيقه من كل صـوب=ليـن يعلـن توبتـه وكتابـهـا
حنّا لاوصلت نعيش بـلا قلـوب=نرتقـي العليـا ونوصـد بابهـا
كـل ابونـا ماتفرقنـا شعـوب=والمنيـه ماحسبنـا احسابـهـا
شرقها وغربها شـام وجنـوب=راية العـز ان دعـت طلابهـا
فالوعد لادقت اجراس الحـروب=بالحرام ان مانـروح إلا بهـا [/poem]

محمد الالمعي