[poem=font="Simplified Arabic,4,black,bold,italic" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يارفيق الـدرب عمـر الليالـي مايـدوم=من قطع وصل الرجاجيل يبشـر بالجفـى
راح يابوصقر مـاراح وحصانـي عـزوم=ليـن حظـي والمقاديـر وطتنـي حفـى
يكفي اني صرت من لذة الوقـت امحـروم=آتظاهـر بالسعـاده وجـوي ماصـفـى
كل شي ن أختلف بين ليـل وبيـن يـوم=وانكشف لي ستر وجه السنين اللي خفـى
وخدعتني ضحكت الغش وربـاع الرقـوم=مادريت ان كل ماخف مـن هافـي هفـى
ماحسبت احساب من طاح مايقـدر يقـوم=وانقلاب أجوا التضاريس في بـرد ودفـى
اندماج الطيش والحلـم ماتقضـي لـزوم=ونجراف الجاهل ودبلجـت هـرج القفـى
ونكسار الذات في قسـم صـالات القـدوم=وانتظار ن طـال للغايـب اللـي مالفـى
وانحناء الروس من شان تقدير الخشـوم=نقطـة الظعـف الأكيـده لتبريـر الوفـى
من جلس في بارد الظل مانطـح السمـوم=ومن جرح كفـه بسيفـه يدورلـه شفـى
ليش ؟ احاول نتف ريشة جناحي قبل احوم=ليش اسير ابدرب مظلم ونـوري ماطفـى
بين فتق استار خلقه بسم ستـر الهـدوم=وغفلت العاصي عن الذنب لوجفنه غفـى
وبين تحقيق الملـذه ورغبـات الرخـوم=والهوى والنفس وبليس فالـدرب احلفـى
وبين تهميش الحقايـق وتكفيـر السلـوم=وستباحت ظلمت الليل فـي سـد الخفـى
لامتى بصبر على الضنك في سجن الهموم=ولامتى مقبل نصيحة رفيق ن قـال أفـى
لولـه عـدت ولاعـاد يقفاهـا عـلـوم=علمـه يالعاطفـي يـوم قلنالـه كـفـى
من يصارع عاتي المـوج مايقـدر يعـوم=ناقص ن دينه وعقله عسـى الله ايعفـى
آخر ابحاث الدراسات في حـرب النجـوم=وضع كوكب لرض مخلوط كبريت وصفـى [/poem]