المواجيب

[poem=font="Simplified Arabic,6,green,bold,normal" bkcolor="transparent" bkimage="" border="none,medium,green" type=4 line=0 align=center use=ex num="0,black"]
ترى الرجال أهل المواقيف والطيب=على الخوي مثل السلاح المدرّع
أنا أحمد الله يومهم لي معازيب=وأنا أشهد إن الطيب منهم تفرّع
وأحب رجال يعرف المواجيب=بيته لعكفان الشوارب مشرّع
يآرد عدود صافيات المشاريب=ولما ورد من صافي الجم كرّع
القرم في الوقفة عطيب المضاريب=وأّلا الردي على الرجال يتفرّع
ليا زهمت القرم سد المطاليب=وألا الضعيف ليا زهمته تصرّع
جعل الشجاع يعيش في عز ويطيب=وألّا الرّدي من كاس سم يتجرّع
وليت الغني اللي جمع له مكاسيب=على المساكين الضعوف يتبرّع
عويت من وقتي كما عوية الذيب=ذيب علي روس المراقيب فرّع
وقت معرضنا العنا واللواهيب=وقت مع تاليه يمشي مسرّع
والله يـــا دار عــــدوده غثاريب=ما ننزله لو كان كله مزرّع
قلت الحقيقة دون شك وبلا ريب=شاعر وبسلاح قوي أتدرّع[/poem][/poem]

الشاعر/علي الحبابي
(الشاعرالطرقي)

__________________