السلام عليكم ورحمه الله

إنا لله وإنا اليه راجعون


ياجماعة الخير


أمس بعد صلاة الجمعة أتصلوا علي شباب من جماعة مشرفنا وشاعرنا / معيض بن دشن

ويقولون الرجال مختفي له اكثر من 45 يوم

ويوم سمعت الخبر

قلت مايبيلها ....أنا جايكم


معيض اخوي زي ماهو اخوكم

ورحت ولقيت الجماعة حاطين مخيم قرب الفحص الدوري بالرياض للبحث عن معيض بن دشن

جيت الربع


وقلت وش العلم

وقالوا الرجال طلع وله 45 يوم مارجع

وجوالة مقفل

ودورنا في كل مكان

وبلغنا المستشفيات من غير شر

وبلغنا جميع مراكز الشرطة


ولا حس ولا خبر

وقالوا العلم سلامتك


الرجال قبل 45 يوم وفي يوم جمعة دقت عليه خطابة اسمها أم سليمان


ورد عليها الرجال


وطلع يكلمها من الحوش


والظاهر عرضت عليه زواج مسيار من واحدة آخر كلام

وقالها طيب ماعندي شقة


قالت يارجال مايحتاج


البر يامال القوم


أشتر لك جمس واطلع انت واياها البر


ولا إستاجر شقة مفروشة


والشهر ب 2000 ريال


والرجال ماصدق خبر


وطار في العجة


ولحد الحين مانعرف وين هو


والحمدلله


بعد المراقبة من قبل الأقمار الصناعيه من اليابان عن طريق الأخ / ماجد الخليفي


ألتقطت له بعض الصور


وفي الصورة التاليه يوضح الجمس اللي اشتراة وجلستهم في البر





وفي صور اتضح أنة مستاجر شقة مفروشة ويحاول التخفي في صور كثيرة

خوفا من جماعتة وعيال عمة يشوفونة ويمسكونة


وهذة صورتين له وهو متنكر






وهذا الصورة يقولون يوم عقد القران من زوجتة المسيار




ونحن من هنا نناشد اهل الخير في التحري عن الأخ / معيض بن دشن


وإبلاغنا بأي معلومات عنة


الرجال وراة أسرة وعيال وربع وجماعة


والمشكلة مصيبة إذا جاك الخبال على كبر



ومانقول غير


حسبنا الله عليك يأم سليمان


ضيعتي معيض بن دشن الله يضيع جوالك .



في رعايه الله


ولا أراكم الله مكروها


************************************************** *************************************

مع تحيات /

المتحدث الرسمي لجماعة البحث عن الأخ / معيض بن دشن .

أخوكم / منصور العبدالله ( واااادي الغلااااا )

__________________



اللهم أرحم والدتي ..وأجعل قبرها روضه من رياض الجنه..واسكنها جناتك