[poem=font="Tahoma,5,black,bold,normal" bkcolor="transparent" bkimage="" border="double,medium,crimson" type=2 line=0 align=center use=ex num="0,black"]
وينك ايام الهوى وملاعب لـحـون الـمغـانـي = يـوم انـا اغـنـي الـهـوى بالسامريه والهجيني
الحقيقه وقـتـهـا كـنـت الـرجـاوي والامـانـي = وبـصراحـه كـنـت حـلمٍ ودي اشـوفــه بعيني
يومك ادل الطريق ويومك اتعرف بـمكـانـي = فـي زمـان مـانـعـك عـنـي غـرورك لاتجيني
لين صرت المستحيل وصرت انا رجال ثانـي = وصـارت إخـطـاي اتـقـدم مـا يرجـعها حنيني
جيت في وقت نسيت ابه الهوى مدري نساني = جـيـت مـع درب نـسـيـتـه لا ابـيه و لايـبـيـنـي
الله اللي مكن ايديني مـن الـثـار وعـطـانـي = لـجـل اسـوي في حياتـك مثل ماسويت فيني
والله اني بعد ماكنت الضحـيـه وانـت جـانـي = صرت انا الجاني وحظرتك الضحيه في يديني
يعني اشرب ماشربت وعان مما كنت اعانـي = واحـلـم بـشـوفي مـثل مـاكنـت حـلمٍ مبتليني
وبعد اخذة الثار منك وصرت انا رجال ثـانـي = عـيـب اغـنـي للـهـوى بالسـامـريه و الـهجيني[/poem]

__________________