[poem=font="Simplified Arabic,5,black,bold,normal" bkcolor="transparent" bkimage="backgrounds/7.gif" border="solid,thin,black" type=4 line=0 align=center use=ex num="0,black"]
لوف قلبي لوف نارتلوف بها الهبايب=كل ما كنيت جمرتها تهب النود وتكرها

ويا ضمى كبدي ضماالقفرفي رجوى السحايب=لانتحى عنهاالسحاب وهمى من سرها

من جروح في حشى الجوف غاديتن عطايب=ومن هجوسن تجرش الكيات وتعرها

منك يا عود على الجفن من ثقله عصايب=يرتجي عون العيال الي بعيد برها

ومنك يا عود عقب ما حط من تحت النصايب=المقادي عقب فرقاه قفى درها

ومنك يالحكمة ليا قيدت في راس شايب=والدرر مكنوزة في جعبته ما ثرها

ومنك يا جار قصيره غدا بيته نهايب=عابت الانفس وزيف التمدن غرها

ومن عجوز تصفق الكفين وتجر النحايب=جمرة فراق الصميدع شواها حرها

ومنك يا بنت الرجال الي عطيبين الضرايب=فرعت تنخى وقفت يوم محدن سرها

ومن رفيق ذاخرينه لحزات النوايب=ويوم لاح البرق خيمة ربوعه طرها

ومنك يلي تردع الغاوين وتفك الطلايب=تخلف الميزان والقبلة جهتك تفرها

ومنك يلي تكرم العربان وتخلي القرايب=والاثافي عند الاقصيين يشبع ذرها

ومنك يا شعر النقائض وجلاب النشايب=شاعر مد المشاهيب والاخر جرها

ومنك يلي هامته تخنع حدر زين الترايب=المنى عنده لقاها ونشوة خمرها

ومنك يلي حاضر في وسطنا لكنك غايب=مد شبرك مع رجال ما يقايس شبرها

ومنك يا نقال هرجات القفى فوق الركايب=سرها يا جعلك اتلى القوم هيا سرها

قالوا اضحك يالسنافى علامك كنك شايب=شايب تسقيه الايام قايح مرها

قلت خلوني ترى الغي لامات الذوايب=لا خبى مغبرها وانتشى محمرها

الليالي تخلف الهقوات وتجر المصايب= نسئل الي يستر العربان يكفي شرها

خذ كلام الي من الايام والرديان طايب=دارس في مدرسة الايام وكاشف سرها

والمعاني رايبة والزبد عند البدو رايب=والقرى تكل دبشها التبن وتاكل برها[/poem]