السلام عليكم ورحمة الله وبركاته

هذه القصيدة تبين انواع الاصحاب أتمنى أن تنال إعجابكم

[poem=font="Simplified Arabic,5,black,bold,normal" bkcolor="transparent" bkimage="backgrounds/8.gif" border="groove,medium,gray" type=1 line=0 align=center use=ex num="0,black"]
ضاق بي خاطري والوضع يا ناس منحاس=كني من بين خلق الله شخصٍ غريب
سبة أصحابِ تكثر في لهاةٍ ومجلاس=إن بغيت الضحك فابشر وكلٍ قريب
وإن كان إنه نصاك من الزمن يا ولد باس=والمصايب تحوف وصار حظك يخيب
ما ترا ياقف إلا قلةٍ ترفع الراس=والبقية تعذًر دون عذر و تغيب
بعض الأصحاب عرفه عز وفخرٍ ونوماس=وبعض الأصحاب عرفه عار وغبنٍ عجيب
بعض الأصحاب لو تطلبه عينه والأنفاس=للخوي يرخص الغالي ولو هو غريب
و بعض الأصحاب لو تطلبه شيٍ بينحاس=منته مع عطاه تقول شمس ومغيب
و بعض الأصحاب شغله شاغلٍ بالتجساس=يبحث عيوب صحبه لأجل ينقص ويعيب
فأختر الصاحب اللي يحتمي لا حصل باس=يجمل ويجملك بين العرب ياعريب
واترك الصاحب اللي يصحبك وقت الإفلاس=ولغتنى ما عرف لا صاحب ولا صحيب
قالها واحدٍ خاوا كثيرٍ من الناس=و أعطته دنيته ذا الوقت درسٍ صعيب
وختامها عدد ما هب في الجو نسناس=صلو على النبي الهادي و طه الحبيب[/poem]


وسلامتكم

__________________
[poem font="Courier New,5,black,bold,normal" bkcolor="transparent" bkimage="backgrounds/18.gif" border="none,medium,gray" type=1 line=1 align=center use=ex num="0,black"]
بني بشر ربعي اللي تفعل المستحال=قبيلة من نسل قحطان ساس الفخر

يا سعد من هم له العزوة في وقت القتال=في وقت كل يدور له ملاذ ومفر[/poem]