السلام عليكم ورحمة الله وبركاته


[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
عليك الله اكبر يابن وسام يوم تقول=(يدور الزمان ويخلف العزم والهمه)

جرحت الجروح اللي عليها الحشا مقفول=مانيب اشتكيها يوم كلن شكى همه

انا والله اللي كل حولٍ عليّ ايحول=يدور الزمان وياتي الحظ بمطمه

بنيت الثقه صرح وبابه بغير قفول=ودخل صرحها اللي طيح السور والقمه

وزرعت الثقه ريحان لكن طلع لي فول=حسيبي على ارض زرعها ماهي اتمّه

وحسيبي على اللي بس قول بدون فعول=بالونٍ ليا جاه الهواء في السما زمه

خساره خساره ياهياكل بدون عقول=وخساره خساره ياعقول بلا ذمه

وخساره يامالٍ في المواقف بلا مفعول=وخساره ياجاهٍ في اللوازم بلا همه

فلا غير ثنتينٍ عليها الفعل والقول=وعلى كل اهم مهم هي والله مهمه

اجرٍ ينفع الرجّال يوم الحشر والهول=وجميلٍ يخلّد طيب ذكره مع الامه

وباقي المطامع في حياة الفتى ياحّول=عجاجٍ يشتته الهوا كل مالمه

من مضيّع سلوم القبائل من المسئول=عن اليعربي اللي فسد مخّه ودمه

هذا هو سؤالي والاجابات في المجهول=ولاتوجد الاّ لاصحى نايم الامه.[/poem]