السلام عليكم ورحمة الله

اخواني الغالين

هذي كيبورديه لتجديد العهد
[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يالله ياخالق الاناثي والذكور=ياعالم باسرارها فصدورها
يامحصي الحيين ومن وسط القبور=وياقاضيٍ احزانها وسرورها
وياكافل ارزاق الحيايا فالجحور=ياموجدٍ اشجارها وطيورها
بامرك وتدبيرك تصاريف الامور =في جوها في برها وبحورها
إنك تجنبنا الضغاين والغرور=والاوهام والاسقام وكل شرورها
واكتبني اللهم لك عبدٍ شكور=وآشير اخيار القوم واسمع شورها
لأجل انصح اللي وَرْد بمارود زور=فاللي وضح تكرارها وكسورها
آشوف ماهذي وسيله للظهور=يبحث خفى قومٍ طوال شبورها
لاينتحر ويجيبها عميٍ وعور=يموت غبن بين سود سطورها
لاصار طول الوقت منسي ومغمور=امحق عرب بالكذب يبرز دورها
ما آصدق الكذاب ولو يحلف فجور=له سولت نفسٍ عظيمٍ جورها
ناره تشب ولا يفوحن القدور=وقودها باروكته وشعورها
ماهو بطل على الخطر طرب وجسور=ولاهو شهيد إن إطحنته بزورها
لايحسب إنه علةٍ وسط النحور=ياهونها عله على دكتورها
عنده بنطين وتوشك اللعبه تفور=لو السوالف تنفلت عن طورها
يقول حنا .. وده يلف ويدور=والناس تِعرف من قديم عصورها !
يفتن ولكن مايمس ادنى شعور=والهجوله ليه يحشد طابورها ؟
ناسه حاشا مانتهمهم بالقصور=وياطيبها لو تنتبه لبزورها
ما آحب شجرة لاظلال ولا جذور=وغرابها يكفخ مع عصفورها
ياربي انا في لوذك من الدبور=مكشوفها يكشف خبر مستورها
ترى الجهل ظلمى دجى والعلم نور=ونكبة غزاة الترك راي إسبورها
وروس العرب ماهما هرج معثور=لاقام يخمخم حلوها ومرورها
ولو الجنايز كلبوها فالقبور=ماتت حداياها بجنب نسورها[/poem]

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.