وبعد غياب قصير في روابع ابها
اعود لكم......؟؟؟
اقول اسمعو السالفه والقصيده
قام ياطوال العمار سلطان الشريف وطلب من الشيخ محمد بن هادي بن قرمله
جواد من اطيب جياده فأرسل له ابن قرمله هذه القصيده
القصيده
ياركبٍ من عندنا فوق هجهوج ,,, سواج مواجٍ بعيدٍ معشاه
مافوقه الاالكوروالنطع وخروج ,,, وسفيفتينٍ فوق وركيه تزهاه
اسبق من الدانوق في غلبةالموج ,,, ملفاك سلطانٍ زبون المخلاه
يالعبدلي لاتكثرالسوم بالغوج ,,, لو كان طارينا الثمن كان بعناه
شفي عليه بردةٍ والغلب عوج ,,, إن حل بنحورالسبايا مثاراه
وأن لجلج المجمول فوق الحني عوج ,,, ذهل الغطا واهل الرمك قام تنحاه
تناطحو واوقف على الزمل عمهوج ,,, من شح في عمره عساالخيل تاطاه
نحدكم حدالجوازي عن الموج ,,, ونردكم رد البدن صوب مسناه
هل سرب وإن دبرت ركضهاعوج ,,, وان اقبلت شروى الحرار المغذاه
وكم عندلٍ تبكي على العم والزوج ,,, اتجر صوتٍ غافي النوم قزاه
وكم سابقٍ تشرى من المال بخروج ,,, غدت بروس ارماحنا بالمثاراه
انا جنودي كثر جوجٍ وماجوج ,,, حريبنا لوهو بعيدٍ نصيناه
حريبنا مايمرح الليل مفلوج ,,, الناس قدناموا وعينه مقزاه
وعدونا لوقطب الخيل بسروج ,,,لازم يخلي منزله لانصيناه
وطبعاًوصلت القصيده لسلطان الشريف ورد
القصيده
حي الكتاب اللي من الفخر ممزوج ,,, حيه وحي اللي لفابه وعناه
اهلاوسهلا به ولاهوب مسهوج ,,, حشمه لمن كزه ونرفا خطاياه
تكريم مثل الدر مخلوط ببلوج ,,, وانوج من العنبر الى غلي مشراه
جانا جواب معرب الجد معروج ,,, ومعسكرٍ لكن حنا فهمناه
وش عاد لو عيا محمد عن الغوج ,,, بخيل الطواله واحدٍ كنه اياه
منها ثلاث اميه وتسعين بسروج ,,, مع مثلها تزها القلايد وتزهاه
نعطي المهار اللي عراقيبها عوج ,,, واليا عطينا مدتٍ ما ثلبناه
كم سابقٍ تشرى من المال بخروج ,,, واليا عطينا مانبي له مجازاه
انتم سهيل ٍ له مطاليع وبروج ,,, وانا القمر في لليلة النصف غطاه
فن كان قومك كثر جوجٍ وماجوج ,,, كفرت بالطاغوت وامنت بالله
يعني تعوذ سلطان الشريف من ابليس وصك ارضه
اتمنا ان المشاركه اعجبتكم
وسمحولي على القصور
اخوكم
مغاااااااااااااااامر
03-09-2005, 10:13 AM
ابن قرمله قدهاااااا
تعليمات المشاركة
العرض الشجري