هذه محاوره جرت بين الشاعرين الكبيرين / سعيد الفهري و محمد حوقان المالكي




[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سعيد الفهري=

سلام الله سلام فيـه روح وفيـه دمّ وعـرق=بحيث العرق عرق المالكي والـدم ّ قحطانـي
يابن حوقان من يسبح بحور ام المصايب غرق=على شاطي بحرها مركب وسبعيـن شيطانـي
-
محمد بن حوقان =

هلا يا مرحبا ما غرد القمـري ونـاح الـورق=بشاعر جزل اعده واحسبه واحد مـن اخوانـي
انا يا الفهري اول ما سمعت اسمك شغبت الطرق=وقمت اجمع واعد سمان هرجي واعذب الحاني
-
سعيد الفهري=
عسى ربي يبيض وجه رجّال يعرف الفرق=يعرف المسلم اللي لابس له ثوب نصراني
ترا سرق المواقيف الكبيره ما وراها سرق=وانا مامون فعلي يستحي من منطق لساني
-
محمد بن حوقان=
ترى بعض الكلام ان لامس اعصابي حرقها حرق=صدق من قال حتـى فالكـلام هـزال وسمانـي
وحد اهل اليمن مامون والفتنة تجي مـن شـرق=وانا للحيـن والله مافهمـت الشعـب الايرانـي
-
سعيد الفهري=
ما دامٍ مهنتك رايد فضا فاصعد بهمّـه وارق=واذا وقفّت في سطـح القمـر دوّر وتلقانـي
يقولون الرجال الرمح مضرابه على اول زرق=لاشاش المالكي بالرمح دوّر صدر زهرانـي
-
محمد بن حوقان=
الاطرش ما سمع صوت الرعد لكن شاف البرق=نصيحة لا تـورط بيـن دحباشـي وسنحانـي
انا رمحي وسيفي تحت حكم ام العيون الـزرق=وانا شاعر وزهران اهلي وربعـي وجيراني
-
سعيد الفهري=

ليا حمي الحديد وصار له تحت المطارق طرق=نصيحه لا تورط في عبيـدي يمّـن الجانـي
ما دام السيف بامر ام الجدايل والرموش البرق=فانا فهري مـا تامرنـي هواويّـه وتنهاني
-
محمد بن حوقان=
يا صغر اذن الجمل والراعي الحاقد شرقها شرق=عسى الفهري يرد خطام ريمـة عنـد ريمانـي
ترى حنا لهن رمـاح مسمومـه وستـر ودرق=ومن لا يحتمي فيهـن دمّـه (فيمتـو) اسبانـي
-
سعيد الفهري=
هنا ابراج التجاره لكن الحربي خرقها خرق=يمرّ الوقت ما ينسى تساقطهـا المريكانـي
بعد ما جاتك الحمىّ من الصدمه جبينك عرق=ولا باقي لـك الا تستتـر وتعلّـق العاني
-
محمد بن حوقان =
تقول الصيف ضيعت اللبن والا هرقته هـرق=ترى ما تجتمع لك (خارجي في ثوب علماني )
لنا عامين ما شفناك يا راع السنـون الفـرق=وش اللي غيرك حتى نسيت اسمي وعنوانـي
-
سعيد الفهري=
يقولون الضعيف اذا جهرته من كلامه شرق=ولو في خنصره خاتم ماهو خاتم سليمانـي
انا موجود وامرق للمعالي والمراجل مـرق=ولا اجلس في مكان يدمج الهادم مع الباني
-
محمد بن حوقان=
ليا شفت المجنن دور المصحف ورتل وارق=وعنزّ عالجبال وخل عنـك فـلان وفلانـي
ترى عود النحل يعطيك منتوج العسل والفرق=وبيت الداب ما تلقى بـه الا سّـم حنشانـي[/poem]

__________________