[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من نشا عوده على المعصيه عاقة صباه = وشبع جوع وثقل حمله وكلة منكبيه
ولا تجي غايتك مثل السبيل لمن بغاه = اتحذف ثوبك على النار وتقول احتميه
ولا تخاوي من تغلبه على العرف العياه = ترى الأحمق ما يدلك على الشور الوجيه
ولا تجالس من يذم المقفي في قفاه = حتى لو ان كل عذروب قاله فيه فيه
ودلو خلان الرخا لا تجود في رشاه = من كلته النار منهم توقى والديه
ولا يذلل ضيف مجلسك لو يرفع عصاه = ولا تردى في نسيبك ولا ترخص ذويه
وحتى سابع جار لو جار لا تسهج حماه = عقب اللي ما ينومس قصيره ويحميه
واحتمل زلة رفيقك ولا تبحث خفاه = سية تدفع بحسنه وذخرن تقتنيه
زبدة الموضوع من مبتداه المنتهاه = من أول بيت القصيده إلى آخر ما يليه
الكفو عثرة السانه تقلل من غلاه = والردي يخطي ويبطي لا منه ولا عليه
والثقه كنزن ركونه تنومس من بناه = والحكي لو نزه الدنس ما دنس نزيه [/poem]
وسلامتكم ، واعذروني إذا كنت نسيت شيء من الأبيات أو فيها خطأ مطبعي

والقصيده للشاعر ( فلاح القرقاح )