ارجو ان تقبلوا مني هذه الابيات من باب التواصل



[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="double,medium,darkblue" type=2 line=0 align=center use=ex num="0,black"]
المرجله ماهي تجـي بالمنـاوي=ولاهي بتشرى بالذهب والدنانيـر
ولاهي تهيا للضعيـف الدنـاوي=اللي يصد ليـا لفـوه الخطاطيـر
ولاهي وراثه قسمـة بالتسـاوي=ولاحاشها رجلٍ بسيـره معيثيـر
واللي ينقل قاصـرات الحكـاوي=مجٌنـبٍ درب الرجـال المناعيـر
هذاك جعله مـن وطنـا جـلاوي=امٌـا وراء الانبـار والاٌ بغاديـر
يحوشها قرم على الطيب قـاوي=مثل الزناتي او مثل سالم الزيـر
فكاك ربعه فـي نهـار العـزاوي=فزعة ربوعه لاحصل فيه تغييـر
من دون ربعه كنه الذيب ضـاوي=ماينثني مـن دونهـم بالمعاذيـر
والاٌحكيم الراي مثـل الخـلاوي=صبٌار في وقت الدهر والمعاسيـر
ويحوشها منهو يحـل الدعـاوي=لاكبرت القاله وصـارت مزابيـر
لانشفن الاريـاق دون الشفـاوي=يرسي ولو زادت عليه الاعاصير
كريم سبلاء مربحـن الشـواوي=يذبح من الحيران وابله على ضير
وبيته لعصمان الشوارب مـلاوي=مع الشحم وملقمـات المباهيـر
والعود الازرق خنته ريح جـاوي=مشراه غالي ماحسب للمخاسيـر
وانا احمد الله واردين الهقـاوي=ادنى بني عمي براسه سعاطيـر
هواجـر تـروم روس العـلاوي=في حزة الهدات تحمي المظاهيـر
وهواجـر ينوخـون الـعـداوي=من فعلهم تشبع ذيـاب مساعيـر
وقحطان فزعتنا نهـار البـلاوي=هم درعنا اللي يفرقون الطوابيـر
وكلٍّ على طيبـه وفعلـه ينـاوي=امدح ربوعي وما تعرضت للغيـر
قلته وانا عبـد بربـي رجـاوي=يغفر ذنوبي في نهار المحاشيـر
وصلاة ربي عد نبـت المطـاوي=على رسول فسر الديـن تفسيـر

وسلامتكم
[/poem]
هادي بن مبارك بن عسكر الهاجري