[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
دعاني هاجس افكار القصيـد وجيـت متشـوّق=احب مداعب افكار <ن> افاخـر فـي جوايزهـا
ارحـب لاقبلـت بكـر المعانـي والفكـر فـوّق=نيام هجوس لاغلـى ضيـف لامـن زار برزهـا
علاقاتي مـع افكـاري كتـب منهـج ومتفـوّق=مثـل ماعـززت فكـره علـى نفسـه معززهـا
معزتهـا معـزة طفـل بـأول عامـه إتـعـوّق=مجرد وصف والا اعلام اصـح الفكـر راكزهـا
فرايـد تدهـش الناقـد وتطـرب كـل متـذوّق=ماهو بغـرور بـس مقومـات المجـد حايزهـا
جنون العقل وقت الشعـر ولامنـه انتهـى روّق=كذا سلطة -أنا- تعشق على القمه تجاوزها
طبيعة عز لاعلى امجـاد فكـر الحـرف تتـوّق=حشى لافكر ابـو الطيـب ولا طرفـه يعجزهـا
لو افكـار القصيـد اليـوم تتكـرر وتتسـوّق=مابين اشلـون شـو بـدك ومابـدي وعاوزهـا
نبـط لكـن بفكـر الحـر والتحديـث متطـوّق=واذا ضاعـت ملامحهـا بفكـر الغيـر عززهـا
ياكثر السرق باسم اللبس شف البايق هنا بـوّق=حكاية اضرب وابكـي لآجـل حجتـك تبرزهـا
وانا مانـي هنـا قاضـي اعالجهـا او اعـوّق=مسيرتهـا ولكنـي اعـزي فــي جنايـزهـا [/poem]