[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
يا كبدي الصبر الغنيمة..وأنا اخيش=اقوله لكبدي وكبدي معَيّه
لا هَب ذعذاع الهوا..طير يا ريش=طعنة رفيق الجنب..ماهيب ليّه
يكبر مقامي في عيون المداغيش=ويطيح في عين الردي والبنيَه
والزمزميّه ما تقهوى المشاويش=يقطعك يا رزقٍ ورى الزمزميّه
ببيتٍ لأابى محسن بن فطيس كنه ايش=كنّه ترفاعي ولي مقدريه
بيت لعودٍ ما اتعبته المطاريش=لو إنها بين الحفَر والحويّه
عودٍ على ربعه صدى صوته شويش=وعلى قبيلة ( يام ) عنده حميّه
ليتك يا أبى محسن على الواقع تعيش=وتشوف صُنع أهل العقول الرديّه
لو إنها بالطيش..يمديني أطيش=لكن حيّ وشيمة الناس حيّه
وانا حفيد الطيب وام العكاريش=ما هيب ولدَة لاش ولا صلبيه
أردها بوجهي؟؟ ولا اردها بأيش=يكرم نباي..وتكرم الجابريه
وأنا بني عمي اهل الهوش وتهيش=وخوالي أهل الوقفة الأوليه
ما هم ببيّزٍ في يدين الدراويش=وقصيرهم ما هو يعرف الأذيّه
وأصواتنا يا اهل القلوب المعاطيش=تعرف بدون أسماء والنار حيّه
ماهوب من كثر الحكي والأشاويش=من كثرة الترحيب والقابليه
ودام الجمل عقب السنين المرابيش=يبْرك لها ويحنّ مثل المطيّه
تكفون خلوها يا ركابة الجيش=ترى المعقب شيخ وأنا سميّه
ورى الحكومة ما ندور ( بخاشيش )=ارزاقنا بكفوفنا الصيرميّه
على الملوك نزووم ونزووم ونعيش=تسمعوا يا اهل العقول الرديّه [/poem]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة