أعزائي أعضاء وزوار شبكة قحطان الموقرة إليكم هذه القصيدة
للشاعر / حمد بن ناصر أبوظهير .
وهي قصيدة في نظري أنها إجتماعيه و تحمل قوه في معناها وتدل على تجارب شاعرنا في جميع مناهج الحياه وأبو بندر غني عن التعريف المهم أترك لكم الإطلاع وحرية الرأى .


[poem=font="Simplified Arabic,6,black,normal,normal" bkcolor="transparent" bkimage="backgrounds/7.gif" border="none,medium,gray" type=4 line=0 align=center use=ex num="0,black"]
يالله يإللي تعلم بغيب الايام=ياخالق الأنفس ومجري نسمها
طالبك سامحني على كل الآثام=والنفس من كل الذنوب تعصمها
لاجيت في قبري على خرقه الخام=في حاله ماغيرك أحد يعلمها
لادبروا مني وخــلوني أعوام=في حفرة بالطين كل ردمها
يارب ساعدني لما بنوا اخيام=والعلم وصل الطيبين وصدمها
نسعى وراء الدنيا وتحقيق الاحلام=ونبني قصور عاليات اقممها
والعمر مثل الزرع والموت صرام=وصكات بقعاء مايداوى سهمها
بعيرٍ على القصاب تلوه بخطام=وروحه طلبها واحدٍ واستلمها
وهذي نهايتها بتدبير واحــكام=دنيـاً تمر جبالــها وتهـــدمها
ومن عقب مافكرت فيها من العام=إوشفت أنا البندق يخف محزمها
نويت أقدم لي هديه بلا اقيام=نصحيةٍ تهدا على إللي فهمها
عقب التجارب والشدايد والأوهام=بعطيك تمرتها وبرمي عجمها
يا ابن ادم احرص قبل زلات الاقدام=ودامت حياتـك سجـةٍ فغتنمها
عليك بالطاعات واركان الاسلام=نورٍ تقــدابه لما اظلم قـتمها
والفرض صله دايماً خلف الامام=وبغير حمد الله مادامت نعمها
واصبر على الدينا وصكات الأيام=لابــد ماتســقيك مرٍ طعمها
ورفيقك الطيب كما الدرع وحزام=درعٍ متين يمنعك من لغمها
ورفيقك المثبور لا شفته اخمام=فنزل مراتعها وجنب وخمها
ومن صد عنك روحة الطيرلاحام=لاتطرد المقفين ساقة غنمها
أحد على ربعه ذعاذيع وانسام=وإليا بدا شان الرفاقه خدمها
واحدٍ على ربعه مكبور وهذام=وان سمع طاري طيبينٍ هذمها
أشوف بعض الناس في خشمه إعرام=سكروب وان مره سيوف ثلمها
والضيف قدم توه الواجب ا شمام=وخص الطراقي لاتنقص كرمها
واعرف ترى بعض المواجيب لزام=يلزمك في يسر الليالي وعدمها
وكرامــة تقلــط لها بدون عزام=خبزة تميس أخير لك من لحمها
واعرف ترى لرزاق في وصل الارحام=وناسٍ تحب الوصل ربي رحمها
ولا جيت لك في مجلس اهذام وغذام=فاحرص على نفسك تنقص قيمها
لاشفـــتها مابين غيــبه ونــمام=فنفض عباتك من شجرها وحصمها
والــزود فالرجال راعــيه يلام=ناسٍ ثقــال نفــوس ربي نجمها
كبار الجروم أن شفتها تقل حكام=وقلوبها غبـــا علـــيها حممها
ولا جيت لك يارجل في منصب هام=فاجمل مادام إنه يرفرف علمها
كم واحد عنده مناصب وخدام=ونفسه من ادروب الجماله حرمها
وإليا بدا لازمك فنص إلك ضرغام= يقضي لزومك والهموم يهدمها
ولا الردي لاجيت ماهو بد سام=إجنازةٍ مغير يومي قدمــها
وثقل الرجال أطيب لهم كل الاعوام=وايضا ترى الخفه تنقص قيمها
أخذ الكلام إللى حكمناه بحكام=من شاعر عقب التجارب نظمها
وترى الرجال عيبوبها وسط الاكمام=وعيب الرجل في لقمته لا لقمها
واشوف ناسٍ هرجها مثل الافلام=وضاعت مذاهبها وضاعت شيمها
صحٍ عليها بشت وشماغ بسام=وتبلبل بحكي ولا احدٍ فهمــها
ولوكل ماشفته رسمته بالاقلام=يمكن بعض لجواد ينصك فمها
ولا تاخذ إلا بنت قرمٍ وهمام=شيخٍ على الطالات نفسه فطمها
حتى ولدها يبهج العين لاقام=وينطح صناديد العدا ويهزمها
ماتستوي سبــابه إيــدك والا بهام=وجمر السمر مايستوي مع سلمها
وان ضاق صدرك يافتى سج الاقدام=في ديرة قفرٍ وحط مخيمها
ترى المشي في الارض شرق مع شام=يشفي غليل الروح مما كتمها
والبـــعد عـــز للمطاليق يــاغلام=من واحدٍ كبدا ابن عمه وسمها
وان واجهك خبل ٍ من الشارع العام=مطيةٍ يبني علـــيها شحمها
فــدر العواقب دام تقدر وتشــتام=وان شفتها صعبت وشبت فحمها
فجعل على المشعاب من راسه ودام=ويحلها رب العباد وحكمـــها
هذا ماعندي من تجاريب واسهام=في مجلس ارجال تبرى ذممها
قدمـتها وينظم الســــير نظام=والطيبه من حظ من يستلمها
سخرتها بالفكر وادراك وارغام=وعوص المثايل بلخطام نخطمها
والشعر تالي الوقت غنابه اقزام=ولا عاد تعرف سيفها من جلمها
لعبوبه وجا في ضلوعه تحطام=يعرج وساقه مابعد جف دمها
يامنصف المظلوم من كل ظلام=تنصف بيوت العز ممن هدمها
هذا وانا ربعي صناديد واكرام=درعي وزندي عزوتي واحترمها
صف قحطان للطوابير هدام=وان ثار عج الخيل ماحدٍ هزمها
في ضل ابو متعب جنودٍ وخدام=وحنا عصاه إللي بيده يحزمها
يبشر بنا لا صار للروح سوام =نجلب له الارواح لما زههما
هذا كلامٍ قلته وعذرى ختام=والعذر فالتقصير قبل اختمها
وختامها صلوا على سيد الآنام=إعداد من لبا وطاف بحرمها

الشاعر / حمد بن ناصر أبوظهير .[/poem]