[frame="9 80"][frame="9 80"][poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
يالله عفوك يـوم تصفيـة الحسـاب=يومٍ حصاد لما زرعنـا فـي السنيـن
يوم الحشر قـرب ولا معنـا زهـاب=اليوم فـي الدنيـا وبكـره راحليـن
نجني ذنوب ونرتجي عفـو وثـواب=وعلى نصر ربـي لنـا مستعجليـن
تـدرون ليـه امالنـا كنهـا سـراب=تدرون ليه النصـر سيـف الاوليـن
الاوليـن اعمالهـم وفـق الكـتـاب=قاموا عليـه وباعـوا الدنيـا بديـن
وحنا غفلنـا بيـن مـا لـذ وطـاب=والنصـر سيـفٍ مايسلـه غافلـيـن
نصبح على شوف انتهاكات وخـراب=ونمسي على دمـع وتنهـات ونيـن
بصدورنا شي تذوب الـه الهضـاب=وافعالنا والواقـع ريـاح ..وطحيـن
وعلى العيون من الفتن مثل الضبـاب=معد درينا مـن يسـار ومـن يميـن
ما للضعيف الا الدعـا لـو مايجـاب=ماغيره الا الشوف مكتـوف اليديـن
يالله زلزل تحـت الاعـداء التـراب=والطف بنا واحقن دمـاء المسلميـن
ندوعك ياقادر على جعـل السحـاب=جيـش لنصـرة قلـةٍ مستضعفـيـن
اغرقهم بنـوع مـن انـواع العقـاب=غرق الغلام اللي يحسب انـه فطيـن
لوما عصى نوحٍ نجا به في رحـاب=سفينته وامضى معه في العمر حيـن
لكنـه اختـار الخسـاره والـذهـاب=اصنع بهم صنعك به وانـت المتيـن
والا اخذهم يامجري ٍ سـود الحقـاب=اخذ العجوز اللي بقت فـي الغابريـن
ذوقـهـم اللهم انــواع الـعــذاب=اللي عثوا في ارضك امن المفسديـن
والطف بمن لبسوا من التقوى ثيـاب=عـبـادك المستهدفـيـن المتقـيـن
تكالبـت عليهـم انـيـاب الـذئـاب=ولا غير عونك يامعيـن الصابريـن
من بينهم شيبـه يعجـزون الشبـاب=من وقفته من طولها. فـي الركعتيـن
ومن بينهم بنت تـون بـلا حجـاب=احجابها لفـوا بـه الجـرح المكيـن
وطفلٍٍ عن عيون امه الثنتيـن غـاب=تبكيه عيـن وتلتفـت لأخيـه عيـن
من هول مايجري لهم شاب الغـراب=ياوسع حلمك وانت مافوقـك مديـن
ادعيك وانت ادرى بحال اهل المصاب=وامد كفي لك يـا اكـرم الاكرميـن [/poem][/frame][/frame]

__________________