خزنة الظفر لشاعر عبدالله بن علوش
السلام عليكم ورحمة الله وبركاته
قصيدة عبدالله بن علوش(خزنة الظفر)
بديت بخالقي جل جلاله وصلى الله على محمد وآله ****** لعل الله يغفر لي ذنوبي أسأل الله وغيره ما آساله
أسأل اللي فتح بيبان عفوه عقب ما جاه عبده وألتجأ له*** وعن شين الكلام أعز نفسي وأقود الفكر لبيوت الجزالة
وأسوي لي بيوت منتقيها أسويها على هيئة رسالة**** أوجها لبني هاجر جميع بني هاجر بلا إستثناء حاله
ولا أبي شيء منهم بس ودي أعد الطيب وأجدد وصاله**** كريم في معانيها وكأني بخيل ما يفرط في رياله
إلى مني كتبت البيت الأول يجيني البيت الآخر في سهالة*** وإلى مني كتبته جاء تبيعه وتنطوي طوي المحالة
وأنا لامني كتبت البيت أصونه ولا ناقد يجيني من خلاله*** وقدام الجماهير الغفيرة على كل البيوت أعطي كفالة
عليها ختم ابن علوش يعني علامة جودة وفحص الوكالة*** ثمنها قولة وش قلت فيها فلا أحد قال قولها قلتها له
سببها ما قريته في الجريدة يقول إن الفخر سخف وخبالة*** ضعيف ما درى إن المدح كايد ولا حاشه يكون اللي سعى له
تعمق في الصحافة جعله أتلى كتب له زاوية وإلا مقالة*** أبي أمدح ربعي طوال اليماني واعده كل ما وافق مجاله
يا بوك الهاجري لا من زهمته يجي فيه انتفاضه واحتفاله*** ولا منك مدحته وأنت صادق نطل بشته ولا خلا عقاله
خلقنا الله لأهل الطيب قدوة وكل سنافي حنا مثاله*** بعضنا لو تغدى ما تعشى ومستأنس ومتنومس وداله
يوضع كسرة العود الكبيرة على المدخن لا زان اشتعاله*** يطيبهم عقب جنب السمينة وكل ما راح ضيف جاء بداله
يرص الدين فوق الدين الأول لين يسد دينه من حلاله*** مخاسيرة خوى فيها على الله رصيده في المراجل رأس ماله
سلام الله علينا يالهواجر سلام نستحقه ونعنى له*** فحنا اللي نكرم من نصانا يمينه في الشحم عقب الفواله
وحنا اللي صداقتنا نقيه بميل الوقت وإلا باعتداله*** وحنا اللي روابعنا قوية ضعيف الرابعة نرفع خماله
وحنا اللي هقاوينا كبيرة وحنا اللي تبين بنا الجماله*** وحنا اللي نبين في الشدايد إ لى من الزمن شانت لياله
وحنا اللي حميانا سريعه ومن حنا سناده طاب فاله*** جمال حمول في كل اللوازم حدانا لأبرك الحمل شاله
وحنا اللي نقدر كل حاكم لا عاهدناه نوفي عهدنا له*** مسمينا موحد ذا الجزيرة مليك ما يشكك في مقاله
الاسم خزنة ظفر والاسم منه وحنا كفو لاسمه واحتماله*** صدق عبد العزيز الله يبيحه عسى الغفران والجنة مآله
ولا يجي علم من تحت حيده لنا فعل وتواريخ ودلاله*** لنا في جولة الأيام جولة زمان فات جعله في قبالة
ولو حنا شوي ما علينا زهمنا الجد الأول من جباله*** يجي قحطان في لازم عبيده وترقى له عبيده وتحمى له
إلى من ثار دخان الشنيعة معادينا رقاده ما هنأ له*** ونأخذ صوت فيمن نوينا ويأخذ صوت فيمن نوى له
ولا نطغى لا منا قدرنا نخاف الله والدين نحمى له*** وعقب الله والدين الكرامة تنزهنا عن دروب النذالة
عطانا الله من مده وجوده رقاب ما حنيناها سوى له*** عوايدناالقديمة والجديدة أصالة مستمدة من أصالة
والكل فيه من الأجواد حقه جنوب نجد وبنجد وشماله*** وقد حنا في عصر فيه نعمة عسى الشيطان يبطي في حباله
بفضل الله ثم سنة نبيه ودين ما دعانا للضلالة******** وفي خير الخليج الله يديمه نعيم كلبونا في ظلاله
أركون العز في الست العواصم سلالة تنحدر منها سلالة*** ولا يجب أطول في مجاله تكفينا قصاره عن طواله
نهايتها ومضمون ثمرتها يذم المدح رجل ما يناله*** أنا أقول المراجل ما تكمل لا راح العود يأتونك عياله
سلام الله علينا يالهواجر سلام نستحقه ونعـنى له
30-05-2007, 10:57 PM
تعليمات المشاركة
المواضيع المتشابهه
العرض الشجري