السلام عليكم ورحمة الله وبركاته

غياب الشاعر الكبير عبدالله بن شايق عن الساحة وبشكل ملفت للنظر غيابه عن فعاليات مزاين قحطان طرح الكثير من التساؤلات وخلف غموض كبير وانا بصفتي عضو في الشبكة اتمنى ممن يعرف عن الشاعر عبدالله بن شايق اي معلومات ان لايبخل علينا واتمنى ان يكون بخير وأن لايطول غيابه وقد سمعت له ايبات جميلة جدا جدا لا اعرف متى نشرت ولا متى قيلت لكنها تتحدث عن حزن وهم كبيرين تدور في سما الشاعر وأظن ان احد الاخوان وضعها على رابط من قبل وهذه الابيات

وين انت قد لي ثلاث اشهور متضايق................ماعاد لي في التحمل والصبر طاقه

اقول رايق لو اني ماني برايق.............واضحك لو ان دمعتي للخد سباقه

همن بقلبي وهمن سبر وموايق.............والا ضربت الخلا يمي نقض ساقه

من شافني قال لا نايم ولا فايق........ماقدر اللي زمانه شين اخلاقه

يسوق دمع العيون امن الحزن سايق.........والدمعه اللي سببها حزن درّاقة

لا والله الا مريض وخاطري ضايق.........دام الحزن في سماي يلوح براقه

حلم كبير حلمته صار لي عايق.............واصعب من الحلم تفسيره وحقاقه

وان جيت ابسلى سجع بالصوت ابن شايق.......جدد جروح الحزين ولجت اعماقه

ياخافقي مانت للي لاج بك طايق............لاشك الايام الايام جماعه وفراقه

نعم نعم لي ثلاث شهور متضايق..........الوقت وقتن ردي والهاجس الحاقه

وين انت قد لي ثلاث اشهور متضايق................ماعاد لي في التحمل والصبر طاقه


اتمنى للشاعر الصحة والعافية

انتظر تفاعلكم بشكل ايجابي وارجوكم من سوء النوايا كما ورد في بعض الردود على مواضيعي من قبل

تحياتي