قصيدة الشاعر / عيسى العرجي ورد الشاعر / فالح بن كدم
قصيده للشاعر عيسى بن مسهي العرجي موجهه للشاعر فالح بن كدم الشبوي ورده عليها
--------------------------------------------------------------------------------
السلام عليكم ورحمة الله وبركاته
هذي القصيده موجهه من الشاعر عيسى بن مسهي العرجي الى الشاعر فالح بن كدم الشبوي تليها رد الشاعر فالح ابن كدم
(يقوووول:::الشاعر عيسى العرجي )
بيـض الله وجــه كـسـاب الجمـايـل
راعـي الوقفـات واليمنـى السخـيـه
امــدح وامـجـده والــراس طـايــل
مـاتـوفـيـه الــحــروف الأبـجـديــه
من سلايل شايـب(ن) يابـس بلايـل
فعله اكبـر مـن طويـق ومـن طميـه
ينثـنـي وقــت الـلـقـا دون الـدبـايـل
بالـرمـاح وبالسـيـوف الحضرمـيـه
في ظهور الجيش والخيل الأصايل
يحتـمـي الميـقـاف والنـيـران حـيـه
الله انـــه يـرحـمــه راع الـفـعـايـل
والجنـاب الـزيـن واليمـنـى النـديـه
خلـف اقـروم(ن) يسـوون الهوايـل
الشـجـاعـه والـكـفـوف الحـاتـمـيـه
طيبـهـم يـعـرف مــع كــل القبـايـل
ال شـبـوه فعلـهـم فــي كــل هـيــه
في نهار الهـوش يـروون السلايـل
يـاردون المـوت وحـيـاض المنـيـه
مـثـل فـالـح مانـبـي غـيـره بـدايــل
شيـخ وبـن شيـخ واعـزومـه قـويـه
فـيـه تطربـنـي جـديــدات المـثـايـل
قمت اصف احروفها صف السريه
انـت يافـالـح كـفـو والـشـك زايــل
والقصيـده مـن بـنـي عـمـك هـديـه
(رد الشاعر:::: فالح بن كدم الشبوي)
لا الـــه الا الله اول قــــول قــايــل
كلـمـة التـوحـيـد عـنــدي الأولـيــه
مـرحـبـا وعـــداد ودان الـمـخـايـل
من مـزون(ن) تدحـم حـل اعشويـه
بالرفـيـق وبالـرسـول وبالـرسـايـل
مرحـبـا ترحيـبـةٍ مــن طـيـب نـيـه
انـت ياعيسـى رفـيـق(ن) ماتحـايـل
مـــدك الـخــلاق بالـنـفـس الأبـيــه
يـوم ولـد الـلاش ماعنـده حصـايـل
لـو يخـاوي مالقـى الـذربـه خـويـه
انت ضيفك كرمته طيب(ن) وحايل
وان سمعت الصوت جابتك الحميه
علمـك عـودك علـى كسـب النفايـل
والقبـيـلـه كـلـهـم طـيــب وحـمـيـه
ابن عارج عزوة(ن) تبري الغلايـل
فـي نهـار(ن) تفقـد الستـر الصبيـه
وهبة الوهاب من اعصور الأوايـل
الالـــه المعـتـلـي جـــزل العـطـيـه
والهديـه مـنـك طـيـب ولــه دلايــل
واتـقـبـلـهــا بـــعـــز ومــقــدريـــه
لو ماقلت امـن البيـوت الا القلايـل
مـاوردت الا عـلـى الـعـد الـرويـه
والذهـب ماتميعـه شـمـس القـوايـل
يـاصـلاة الله عـلـى خـيــر الـبـريـه
وسلامتكم
وصح لسان الشاعر عيسى العرجي ولسان فالح ابن كدم على الرد
الصور المرفقة توضح فالح بن كدم من اليمين وعيسى العرجي من اليسار
والصورة الأخرى للشاعر / فالح بن عبد المانع بن كدم
17-05-2007, 01:37 AM
تعليمات المشاركة
المواضيع المتشابهه
العرض الشجري