[poem=font="Simplified Arabic,4,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
الــبــارحـه بـالـلـيـل يـوم اتـنـزه = اخــيــل بــراق ســرى ويـن يـازي
مــن دون ربــعـي سهلة مبرهزه = ابـغـى العزا عـنـهـم ولاني بعازي
يــاما حـلا عنـد اول الـنـبـت فزه = وممشاي مع من كان للنفس جازي
ورفقات من يبغي الوناسه وعزه = خـوة نـشـامـا تـنـشرى بالغوازي
إلـي أقـبل الطرقي بنظوه يهزه = كـنـه عـلـى الـبيت المثولث يحازي
بــيــوت اهـلـهـا مـن وراها بنزه = مـشـيـدات فـي طــويـل الــنــوازي
كــزه ودزه واوصــلـه في مـلزه = والـضـيف من طيب المعازيب فازي
يــامـا حلا الغنجال في كل حزه = فــي مــجــلـس ما سفروا له بقازي
والــلــي يــســويـها صبي منزه = شــطــر بها ماهوب خطاة الخنازي
عــجــل يــهلــي بالــمسير بفزه = ولاهــوب لا خــدر ولا هــو قـمازي
يــاصــبي كان انك تريد الـمعزه = اعــنـز على اللي جارهم ما يهازي
جــار الــمــعــزه ودك انك تعزه = وجـــار تــرى جمعاه منها المجازي
اتــرك صــبــي بالـبلد ضاع مزه = بــغــي الــبـلاد ومن هل البر جازي
يــبـــي حــضــير بالبلد مستلزه = الـلــي يــبــيــعـــون اللبن بالبيازي
انــا إلــى كـل لــزى في مـلزه = فــي ما قـف الـسفهان مانيب وازي
حــلـفــت ما وافقــت معهم برزه = ولا بــالــردى خـايلت شبه الجوازي
نفسي عزيزه بعض الاشيا تكزه = يــاحـبـنـي لاهـل الــنفوس العزازي

الشاعر عيد بن خلف العاصمي القحطاني [/poem][/size[/poem]]