[poem=font="Simplified Arabic,5,white,bold,normal" bkcolor="transparent" bkimage="backgrounds/10.gif" border="solid,4,white" type=2 line=0 align=center use=ex num="0,black"]
ياعين مـن حطيـت عينـي بعينـه=وابطيت واقف في بحر عينها مـوج

ابحـرت فـي عينـه بليـا سفينـه=سجيت فيها ليـن ضيعنـي المـوج

حاولت الـد الشـوف عمـا يهينـه=ولاانتبهـت الا وانـا فيـه ملبـوج

شفت الفتن فـي ملتقـى حاجبينـه=والسحر في عينه مع الزين مدمـوج

اسـود سـواده لابستـه السكينـه=وابيض بياضه طايش اللون مرجوج

زاويـه طـرف ٍ حاجـز ٍ دمعتينـه=لولاه كـان الخـد بالكحـل ممـزوج

كاسيه رمـش ٍ زاد ملحـه وزينـه=من فوق متكحل ومن تحت مدعـوج

بين الرموش السود شفـت الغبينـه=واللي رماه الرمش ماعاد لـه بـوج

مرت ثوانـي مـن حياتـي ثمينـه=وانا اتهادى بيـن الاشـواق وأدوج

مرت وانا قابـض علـى راحتينـه=واقف مقابل لـه وساهـي ومدلـوج

مدري وش اللي صار بينـي وبينـه=والقلـب ماردنـه ضلوعـي العـوج

ولا انتبهـت الا بسحـبـة يديـنـه=قال انت تبغى الناس تلحقني هـروج

قلت اعذر اللـي شافـك الله يعينـه=يبطي ودمعه بعـد فرقـاك مزعـوج

عينـك بنظـرات الغـلا مستهينـه=قال الغلا في داخل القلـب منسـوج

قلت الوعد قال ايـه كلـش بحينـه=الله يفتح لك مـن الضيقـه فجـوج

قلت آآه .. طيب شف لي الدرب وينه=قال انتبه باقـي علـى شفتـك روج


لشاعر /محمد البقمي
[/poem]