قصيده للشاعر خليل ابن هدلان مسنده الى الشاعر : عبدالهادي بن حمد العاطفي


[poem=font="Simplified Arabic,5,black,bold,italic" bkcolor="skyblue" bkimage="backgrounds/8.gif" border="none,medium,gray" type=4 line=0 align=center use=ex num="0,black"]
عسى السحـاب اللـي تكاشـف بروقـه=تمـطـر هماليـلـه عـلـى دار الاحـبـاب
وتسـيـل وديـانـه وتـــروى عـروقــه=وياخـذ ثــلاث ايــام والـوبـل صـبـاب
ديـــرة ولـيــف كـــل زيـــن يـلـوقــه=وبينـي وبينـه وقـفـت كــل الاسـبـاب
يابـو حمـد روحــي لـروحـه شفـوقـه=وفرقـاه داي وشوفتـه كــل الاطـبـاب
وصدري علـى فرقـاه يجـدب خفوقـه=ولقياه لي مثـل الحيـا عقـب الاجـداب
يـاتــل قـلـبـي تـــل طـيــر لـسـبـوقـه=من كف صقاره كفـخ والشفـق غـاب
مـن اول والحـب مـا اعـرف طروقـه=لـو قالـوا ان الحـب قـاسـي وغــلاب
اليـن شفـت الـلـي عشقـتـه عشـوقـه=غرو سلب عقلـي وانـا منـه منصـاب
صــواب نـجـل ويــل منـهـي تـعـوقـه=بسـود مظالـيـل عـلـى الـخـد سـكـاب
وخـدٍ مثـل صـبـح يشعـشـع شـروقـه=وشقر ( ذوايبها ) على المتن تنساب
عــزالله ان عيـنـي لشـوفـه شفـوقـه=وفرقـاه داي وشوفتـه كــل الاطـبـاب [/poem]




وهذا رد الشاعر عبدالهادي العاطفي علية





[poem=font="Simplified Arabic,5,black,bold,italic" bkcolor="skyblue" bkimage="backgrounds/17.gif" border="none,medium,gray" type=4 line=0 align=center use=ex num="0,black"]
يامرحـبـا بالـلـي تـشــوق اطـروقــه=كــل ابـلـجٍ للـبـن والكـيـف شـــراب

خلـيـل شـعـره كـــل قـــرمً يـشـوقـه=أيشوق العارف ويحسب له احسـاب

شاعر وعالي مـع هـل الـذوق ذوقـه=ذوقه مع اهل الـذوق راقـي وجـذاب

جتنـي بيـوتً صاغهـا مـن عمـوقـه=مثل الجواهر صاغها عرب الانساب

يشـكـي مــن الفـرقـا وهــمٍ يسـوقـه=هــمٍ يخـلـي راســي العـقـل يـرتـاب

هــم المـفـارق ويــل منـهـو يـذوقـه=هـــم الـمـفـارق كـنــه الـســم لاذاب

بـعـروق جـسـمٍ يـابـسـاتً عـروقــه=من كثر ما يسهر ومن كثر الاتعـاب

اقـولـهـا والـكـبـد مــنــه مـحـروقــه=والراس شيـب يارفيقـي وانـا شـاب

الـحـب بـلــوى مـاتــداوى حـروقــه=وعزي لمن لاعه هوى تلع الارقاب

ولا يعرفـه غيـر مــن طــب سـوقـه=وباع وشراء مابيـن صـادق وكـذاب

والشـي لمـن فـات يصـعـب لحـوقـه=حتـى ولـو قالـو ورا الـحـق طــلاب

اغـنــم زمـانــك والـيـالـي سـبـوقـه=اكسـب ثمـر وقتـك مـع كــل كـسـاب [/poem]




قصائد ولا اروع من شاعرين مبدعين امتعونا بحق

تقبلوا تحيات اخوكم

حمود الحمالي