إلى جميع الاخوان أرررررررررررحبوا تراحيب المطر
بالنسبة للقصيدة:
[poem=font="Simplified Arabic,4,crimson,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
يا لا يمي جعل الفهر يذبحونه =و لا الجحادر مبعدين المراميس
على عشير حدني البعد دونه =ومن دونه حالت طوال الطعاميس
اصفر عفر با لوصف ميزه و لو نه =ادمية قادت لصيد مشاميس
ينقض على بيض الترايب قرونه =مثل السفايف فوق خيل ملابيس
وشيوخ برقا كلهم يمتنونه = والضيط والشغار راحوا مفاليس[/poem]

بالنسبة لهذه القصيده قالها الفارس الشجاع شليويح العطاوي يوم خطب بنت الضيط شيخ العضيان الروقه ولكنها رفض بحيلة منه ما يبي يجوزها أحد من غير ربعه لأن البنت كانت من اجمل نساء وقتها وللعلم خطبها أكثر من فارس من عتيبه وعيّا وكان الضيط من أشجع وأقوى فرسان الروقه عتيبه .
وبعد ما خطبها شليويح ورفض الضيط وقرر شليويح العطاوي إن يغزي لأنه معروف عن شليويح العطاوي حب المغازي والحيافة حب ٍ في الأبل ومن المعروف عن شليويح العطاوي قصيدته بعد كون [ طلال ] بين الروقه عتيبه وبين جيش ابن سعود بقيادة سعود بن فيصل بن تركي ومن معه من خوياه واللي انتهت بانتصار الروقه مع إن عدد جيش سعود بن فيصل يفوق جيش الروقه بكثير ومن الغريب في الأمر أن مضاوي بنت الشيخ ابن ربيعان شيخ الثبته الروقه في اثناء المعركه نطلت برقعها وغطوتها وحطتها فوق عمود الخيمه عشان تشجع ربعها الروقه وتحمسهم ويوم شافوها فرسان الروقه تركزت شعورهم واحتموا لأبلهم وكسروا الجيش الغازي عليهم وعقبها فال شليويح العطاوي
[poem=font="Simplified Arabic,4,crimson,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
يا مسوي الفنجال عده لمدوخ = وثنه على صلال هو والجلاوي.
وأنا زبون الحرد أبو ضيف الله = لا كظم الشارب على الشفاوي [/poem]
المهم بعد إن رفض الضيط شيخ العضيان تزويج شليويح العطاوي قرر شليويح العطاوي إن يغزي قحطان لكي يأخذ ابلهم وتواجه هو والشيخ الفارس الشجاع هذال بن فهيد الشيباني شيخ قبيلة الشيابين وعلمه شليويح بوجهته فنهره هذال بن فهيد وقاله لا تغزي على قحطان تراهم دون أبلهم ونهاه عن المغزى.
المهم إن شليويح قال هذه القصيده ويقصد بها الشيخ الفارس هذال بن فهيد و اللي نهاه عن المغزى من عتيبه والوصف اللي في الأبيات وصف بنت الضيط شيخ العضيان الروقه .
وللمعلومية الفارس شليويح العطاوي اللي ذبحه هو الشيخ الفارس سالم بن زيد بن شفلوت الفهر ..
والشيخ الفارس هذال بن فهيد الشيباني اللي ذبحه هو الفارس عبدالله بن مفلح آل كليفيخ الخنافر.
[ الضيط ] هوشيخ العضيان الروقه.
[ الشغار ] هو شيخ الدماسين الروقه.
آسف على الإطالة والسلام عليكم ورحمة الله وبركاته .

__________________