.


[poem=font="Traditional Arabic,6,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
‘‘ ‘‘ ‘‘ ‘‘


طالت الايام والعالم تردّد=ياعسى من ميّل الحال يعدلها

تلتفت للوقت والوقت يتشدّد=والرسوم البيّنه ماجاو أهلها

والرجاء لو ان ماهو بيتجدّد=أمست أهموم الزمن ما أحد ٍ نقلها

كيف يسلى القلب والخاطر مهدّد=لعنبو نفس ٍ رضاها في زعلها

أعتزي وأقوم وأصمل وأتردّد=الركاب أسوقها وألا أعقلها

وأستصيب شوي وأقارب وأسدّد=وأترك أيام الشقاء على مهلها

خابر ان الحظ لامنّه تلدّد=ابطت الاوضاع ما أستدرج عجلها

الظنون تخيب والحلم يتبدّد=والعيون أم الخطاء ماأحد كحلها

تقبل الاعذار في الوقت المحدّد=وان تعدّت وقتها ماأحد قبلها

حالف اني ما أترجّى وأتودّد=غير للي بيده الانفس وأجلها

واحد ٍ نفحات جوده ماتعدّد=كلما مالت بنا الدنيا عدلها


‘‘ ‘‘ ‘‘ ‘‘[/poem]