[poem=font="Simplified Arabic,5,darkred,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
خذيت لي في ماضي العمر مطراش =على طريق متيهين الميامين
اللي هواهم يحرق القلب والجاش = ويخلف عقول مرجّحين الموازين
في قصةٍ ابيض من الثلج والشاش =وأطهر من الدمعه على مقلة العين
وأنقا من الماء الصافي العذب نشّاش= في قفرةٍ من دونها نازح البين
مع صاحبٍ في الحب ماهوب ينّاش= راس أبرقٍ دونه تهف الشياهين
شموخ عز وله على العز ماحاش= من صلب قحطان وخواله شهارين
ستة عوامٍ في هوى الزين ماطاش = قلب مثل قلبي من أول وهلحين
على الوفا ماني ولاهو بغشّاش=أصدق مشاعر حب مابين قلبين
نزرع بذور الولف والشوق رشاش= يروي بساتين الزهر والرياحين
نقطف غصونه لاغدى الورد فتّاش=حتى قطف منّا الزمان الفؤادين
حلّ الفراق وذاب جاش معا جاش= بيني وبينه راحت الروح نصفين
لاصار لي حيله وهو حيلته مـاش= الحظ صلف والمناعير صلفين
لاحلـّله جاه ولا صخّره كاش= حالو عليه محطّمين النياشين
والحب الاول مات والخاتمه لاش =سـرٍ دفين وجرح في وسط صدرين
وإن مات قيس ابن الملوح ولا عاش= الله كتب لي عمر مثل ابن حثلين
وإن قرّبه سيف العواجي ليا شاش = الحر مثله برقعوه السلاطين
واليوم يأهل الحب معاد منهاش=ضاع الوفا وأختلّ سلم المحبين
ذيك القصور العامره صارت عشاش= وشقر الحرار القُطع صارت كراويين
حتى الغلا .. صار الغلا.. لاش .. وبلاش=والحب موضه وأطوله يوم يومين !! [/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]