[poem=font="Arabic Transparent,6,black,bold,normal" bkcolor="transparent" bkimage="" border="none,medium,gray" type=3 line=1 align=center use=ex num="0,black"]
عطوني الدفتر وهاتو دواتي=وردت هجوسٍ من ضميري تآتي
مثايلٍ ماتستوي للهيّن=بدعي ونظمي من جديد أبياتي
هاجوس شعري لاحضر شيطانه=لاذت شياطين الشعر بسكاتي
لا واللّه إلاّ الشعر حنّا شوقه=حنّا ليا غبنا القصيد إيحاتي
القاف صوغه عندنا له فنّا=صوغ الذهب نصوغه عباراتي
نبدع قصايدنا على مانبغى=بأيّة بحر نبغى وبأيّ لغاتي
بالإنقلش والفارسي والهندي=وعلى حدوده واقفين حماتي
وأنته صغير وقايلٍ كم كلمه=إتنقدّك وإسمع جوابي الآتي:
إسمع جوابي ياولد وإفطن له=وإحذر ترى بقعا لها صكّاتي
من دق باب الناس دقّو بابه=حكمه قديمه ماتبي إثباتي
ومن هاز ساسٍ ماكنٍ مايجني=سوى الغبن واللوم والحسراتي
وإعرف ترى بعض الهروج إمطمّه=تبلش بها وتوّردك ويلاتي
ياماأكذبك يوم إتّحاكى فينا=وتاريخنا تشهد له الهيّاتي
حنّا إقحطان اللّي لنا الزعامه=في وقتنا الحاضر وباللّي فاتي
كم من عقيدٍ موردينه حتفه=وإلنا الشرف ولا لنا خملاتي
وكم خايفٍ يآمن لما إنّه جانا=حنّا كذا وإلاّ أنت أبا الفلاّتي
ما أخبلك ياللّي مايثمّن هرجه=ولايرتفع عن ساقط الهرجاتي
ربعك نشامى ياولد وش علمك؟!=بقعا تجي اللّي مابه امروّاتي
غرير غرّه بالحكي غرّاره=ينقاد له قود الصبي للشاتي
ياهيه وش حدّك ؟!على ماقلته=والبحر ما يرحم وموجه عاتي
مثلك يجنّب عن طوال القامه=وأنت إتّطمّر دونما سبّاتي
قمت إتّياسر يوم قالو ياسر=والدرب باقي به ثلاث جهاتي
وإتقاشر التجّار وأنت تويجر=سهمك يطيح من أبسط الهزّاتي
لولا الجنوب اللّي تهوزه واللّه=ما تمتنع يا مخلف الهقواتي
طوال الشبور مجندلين الغازي=ساس الوفا والعز والفزعاتي
تاريخهم أبيض بياضٍ صافي=مافيه غش ولابهم نمّاتي
دعايتك ياالأجنبي مكشوفه=لأنّك تعيش وفيدك دعاياتي
يسلم أبو متعب وحنّا جنوده=لا جاء نهار الهوش والغاراتي
يفرح بنا لاجاء نهار الهيّه=وقت الفعول وصادق الوقفاتي
لكن أقول اللّه يديم النعمه=ربٍ كريمٍ يجزل المدّاتي
يومك جهلت وزايده بك نفسك=على إيش؟ مدري!والجديد بيآتي
إن عدت عدنا والمثايل وآجد=بنك الشعر عندي وذي شيكاتي
هذا كلامٍ مختصر تحذيري=بالخط الأحمر حبره إمن دواتي[/poem]