[poem=font="Simplified Arabic,5,black,bold,normal" bkcolor="transparent" bkimage="backgrounds/19.gif" border="inset,medium,gray" type=4 line=0 align=center use=ex num="0,black"]
أنا جيت اتصفح في منتدى ربعي القحاطين=وعينت قولة شاعر يعجب الفكر قوله
يوصف لقى روحه مع روح الرياحين=في ساعة صباح وكل المخاليق مشغوله
وذكرني حبيب حالوا من دونه الغاوين=في السابق اسمع علومه وتالي غاب مرسوله
لطيف وعمره عقد مع عام وعامين=نعس حوره والجدايل سود مجدوله
ياليتهم ف الهند ولا في بلاد الصين=واخطفه وهربه من فوق شقرا جفوله
ونقضي بقايا عمرنا في الخلا وازين=في جبال الهملايا جنوب افرست وسهوله
بعيد عن ديار الحسد والكذب والشين=وناس تقول اللي عنه واليا جوه قالوله
ولا ليتنا في عصر سيدنا ذي القرنين=ويبني من دوننا سد ما أحد يطوله
لو تنكتب قصة حبنا بوسط الدواوين=وتصير بين الخلايق معروفة ومنقولة
هذا ونا متأسف كان اجتزت القوانين=النفس والشيطان عن اللي صار مسئولة[/poem]