[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
لبنان ياصقر العروبة تـناديك=وصفة دواها عقب ربي يمينك
قامت رسايلنا تطاير توماتيك=لك يالسنافي جعل تبطي سنينك
تكفى يابو متعب وهذي حراويك=ومن غير تكفى يالوفي خابرينك
ياجعل ربي مايخيب مساعيك=وياجعل ربي يابو متعب عوينك
لبنان دمرها يهود وصعاليك= طغمة غدر في الخاصرة طاعنينك
دجاجة (سوداء) وفي ساقة (الديك)=(والنسر) حايم والمخطط يدينك!!
لبنان طالت بالغبينة لياليك=وصنوبرك يبكي على غصن تينك
ماتت مشاريعك وماتت هقاويك= وقام يتعبر بالقهر ياسمينك
وياقدس لا والله ماني بناسيك=خمسين عام(ن) والعرب خاذلينك
لو كان به درب(ن) يوصل لأراضيك=ما كان طالت واليهودي يهينك
ياقدس حنا لك سيوف وبلاجيك=حزه من المولى ويبرد سخينك
فيالله يامالك جميع المماليك=انصر عبادك ياالولي عز دينك [/poem]