اخواني تحية طيبة




من يعرف قصة وقصيدة قشاع الهرمسي يوم كان هو ومعه واحد مخاويه وقابلتهم بنت كانت ترعى ابلها وخذوها يام وراحت تستفزع بقشاع واللي معه فقال اللي معه ياقشاع انا وياك اثنين ويام قوم خلنا نرجع لربعنا وترى البنت ماتعرف انك قشاع يعني نرجع ولحد يدري..


فقال قصيده اعتقد ان من ابياتها :


قال انتخشخش والعيون تشوف

يقصد بالعيون تشوف يعني هل تريدني ان ارجع وكأني ماشفت شي


الوكاد انه اتفق هو ويا خويه ان يردون الابل وقال لخويه اطلع فوق الجبل وارم بالبندق من عدة اماكن عشان يحسبون يام ان اللي جايين قوم. ولاترمي الا اذا شفتني ذبحت كبيرهم


بعدها راح قشاع ليام كأنه طرقي مايدري واخذوه وقالو نبي ناخذ جنبيتك قال يا يام انا كبير ربعي ولانيب معطيكم جنبيتي مانيب معطيها الا كبيركم واصر على رأيه وقال كبيرهم هاتوه يوم جاه قشاع وكأنه يبي يعطيه جنبيته وهو يبي يعطيه الجنبيه سلها وذبح كبير يام!!!

وفي هذي الاثناء بدا الرمي من الجبل على يام وكانت الكسيرة عليهم..


اعتقد ان هذي الجنبية لازالت موجودة عن ال طلحان من الهرامسة وفيها على ما اعتقد 8 ارقاب من يام


اخواني اتمنى منكم التعديل لي اذا كنت اخطأت في شيء واللي منكم يعرف القصيدة يوردها علينا الله لايهينه..




تقبلوو تحياتي...